Jopay, sinampal-sampal si Rochelle

Naaasiwa pala si Jopay kapag itinutulak-tulak niya si Rochelle Pangilinan sa taping ng Daisy Siete ng Focus E. Paano ba naman, bestfriend niya ito, tapos nilalait-lait niya bukod sa itinutulak-tulak pa sa taping. Alam naman ni Rochelle, umaakting lang sila pareho. Minsan nga, natakot si Jopay, dahil muntik ma-out of balance si Rochelle noong itulak niya.

"Naku, sa totoo lang, natakot ako." Sa ingay kasi sa set habang nagti-taping, hindi pala gaanong narinig ni Rochelle ang sinabi ni Jopay kaya muntik itong mahulog sa mga pintuan ng mansion. Minsan naman daw, napalakas ang hampas ni Jopay ng bag sa kaibigan, kaya ayun, napaaray ito.

Niyakap agad ni Jopay si Rochelle dahil feeling niya, api-apihan na talaga ang papel na kaibigan. Bale wala naman ito kay Rochelle, dahil artista sila pareho. Naikwento nga ni Jopay, si Evette man ay nakatikim din ng takot noong sampalin ni Rochelle sa eksena. Nagkwentuhan silang pareho raw nahihiya sa kaibigan nila.

Sa mga paglabas ni Jopay, kalimitan tomboyin ang papel niyang ginagampanan. Dito nga sa Pitong Maria, (DS) dinukutan pa niya ng walllet si Celia Rodriguez.

"Alam mo naman, kapag nasa harap ka ng kamera, walang imposible. Imagine, mandurukot ka ng wallet." Malaking pasasalamat ni Jopay kay Joy Cancio, producer ng Focus E. Inc. dahil binigyang katuparan daw ang kanyang pangarap sa showbiz. — VIR GONZALES