Gay pageant, inaabangan na rin!

Tiyak, marami pa sa inyo ang hindi nakakapanood ng isang live gay beauty pageant. Sa ating bansa na medyo tanggap na ang ikatlong kasarian, maraming mga ganitong klaseng timpalak. Merong barangay level hanggang sa umabot na sa nationwide.

Sa mga pistahan kasi ay usung-uso na ang timpalak kagandahan ng mga bading. Iba’t ibang uri kasi ng katatawanan at kaaliwan ang dulot ng mga contestants. Lalong ibang klase ang kanilang mga gimik upang mapansin at magwagi.

Marami na rin tayong mga Miss Gay Philippines contest na tinataguyod ng iba’t ibang grupo. Meron pang mga Five Outstanding Gay Coeds, mga Mutya contest at pati na mga Miss International at Miss Universe, na wala namang kinalaman ang mga original na may pa-contest ng mga worldwide beauty pageants.

Isa sa mga prestigious contests na ganitong tipo ay ang Miss Gay Philippines na unang sinimulan ni Chito Alcid 26 years ago. Sa taong ito ay gaganapin muli ang Miss Gay Philippines sa Nobyembre 19, sa Djaka Bar & Restaurant along Tomas Morato sa Kyusi.

Sa gay beauty search sa taong ito ni Chito Alcid, sina Azenith Briones, Ian Valdez at Patrick Magalona ang mga producers. Kaya inaasahang higit na malaki ang timpalak na ito at magkakaroon ng mas maraming premyo.

Sa mga kaibigan ninyong mga bading na gustong mag-join, pwedeng tumawag sa 719-0585 o kaya’y mag-text sa 0919-3453938. Tawag agad dahil magkakaroon na ng screening of candidates this week, sa Djaka bar pa rin.

Malay naman ninyo kayo ang maging susunod na reyna ng kagandahan at mabuksan sa inyo ang maraming pintuan (hindi ng C.R., ha!) at pati na mga bintana!

* * *

Nababasa ko ang tungkol sa success ng album ng MYMP. Sabi pa na malapit nang tapatan ang Diamond Award ni Jose Mari Chan.

Imposbile ang claim na ito dahil ang standard sa isang platinum record award ngayon ay 30,000 copies sold lang. Di tulad nang maging Diamond Record ang "Constant Change" at "Christmas In Our Hearts" album ni Joe na 40,000 units ang isang platinum award!