Kristopher Peralta, balik-showbiz

Inamin ni Kristopher Peralta, he’d rather have a simple but attractive woman, than an aggressive ones. Mas preferred kasi niyang siya ang driver kaysa sa passenger.

Isang simpleng kasalan by the beach ang pangarap niya when he settles down with the lady he loves, but that will come in about five more years, mag-iipon daw muna siya.

Thirteen years na sa show business si Tupe (tawag sa kanya ng mga kaibigan) at nakagawa na siya ng isang dosenang pelikula. Mistrio, Nagbibinata at Now That I Have You ang ilan dito.

Pero, nawala siya saglit sa limelight, ano ang ginawa mo, tanong namin kay Tupe?

"Mga two years po yun, tumigil ako sa pag-aartista and concentrated on a business with some friends. Itinayo namin ang City Jam Bar and Resto along Katipunan Road in Quezon City. May performers kami every night at kadalasan ay mga banda ang tumutugtog.

"Under renovation kami ngayon, kaya naisipan kong magbalik-showbiz. It’s a good thing na kahit wala akong kontrata sa Dos, napasama agad ako sa Vietnam Rose.

"Supporting role ako rito sa Vietnam Rose, ako yung batang Ricky Davao. Makikita kami sa pagsisimula ng serye. Napakalaking bagay nito para sa akin. And I consider this break as a good start at sana’y magtuluy-tuloy na."

Inamin ni Tupe na nagkaroon na siya ng non-showbiz girlfriend at tumagal ang kanilang relasyon ng five years. Naging ka-on din daw niya si Tanya Garcia, pero four months lang sila tumagal. — Ben Dela Cruz