Darling Laviña, tumangging nagpa-abort!

Mariing pinabulaanan ng sex siren na si Darling Laviña ang samu’t saring balita na nagsasabing kaya raw siya isinugod sa ospital last Tuesday after the taping ng regular show nito na Okey Fine, To Ang Gusto N’yo ay dahil buntis daw ito at nagpalaglag.

Ayon kay Darling, natatawa na lang siya sa nasabing balita dahil papaano raw siya mabubuntis samantalang wala naman siyang karelasyon ngayon? Pulos mga lalaking nali-link lang sa kanya at din naman niya talagang bf. Bukod sa wala sa isipan nito ang magpabuntis dahil naka-focus siya sa gumagandang career n’ya.

Ang katotohanan daw kung bakit siya na-ospital ay dahil na rin sa sobrang pagri-reduce, dahil tabain nga siya at gusto pa niyang magpapayat, kaya naman sa halos di nito pagkain sa araw-araw ay nagka-ulcer na pala ito ng di niya nalalaman. – JF