Ynez Veneracion, kumikita ng malaki sa Japan!

May kapalit na nga si Aiai delas Alas sa trono sa ABS-CBN, si Pokwang. Pero ayaw seryosohin ng komedyanteng produkto ng Clown In A Million ng Yes Yes Show ang sinasabing ito ng marami.

"Hindi naman po kapalit. Pero very proud ako pag kino-compare sa kanya," sabi ni Pokwang.

Kung meron kasing komedyante na in demand ngayon sa Dos at sa mga pelikula ng Star Cinema, si Pokwang ‘yun.

Kasama siya sa katatapos na D’Anothers, ngayon naman kasama siya sa pelikulang Dubai starring Aga Muhlach, Claudine Barretto and John Lloyd Cruz.

Pang-third movie na niya ang Dubai - first movie niya ang B’cuz of U.

Kung sabagay, base sa kwento ni Pokwang deserve naman siyang guminhawa dahil maraming hirap pala siyang pinagdaanan.

Imagine nagkaroon siya ng dalawang anak out of wedlock na parehong Hapon ang ama. Sad nga lang at namatay ang isa no’ng panahong nagtatrabaho siya sa Abu Dhabi.

"Malas yata talaga ako sa lalaki. Hindi ko kasi ginamit ang utak ko no’n. Lahat puso," sabi niya. Kaya ayon, walang nangyari sa mga kita niya bilang ‘Japayuki’ for 2 1/2 years.

Wala siyang naipon. Ni hindi man lang niya naipagawa ang bahay nila sa Antipolo.

Pero hindi pa rin siya sumuko. Go pa rin siya sa Abu Dhabi para makipagsapalaran.

Ganun pa rin. Hindi pa rin nadala. Nakipag-relasyon na naman sa isang foreigner. Pasalamat na lang siya dahil hindi siya nagkaanak dito.

Nang ma-realize na walang mangyayari, bumalik na lang siya ng bansa at nag-try ng stand up comedy na naging way para magkaroon siya ng connection na nakatulong sa kanya para maka-join sa Crown In A Million ng Yes Yes Show.

Pinalad siyang manalo ng grand prize na ngayon ay ini-enjoy niya.

Ang pag-aartista rin ang nagbigay ng comfort sa kanyang pamilya na hindi niya nagawa no’ng panahong kumikita pa siya ng dolyares sa ibang bansa.

Naipagawa na niya ang house nila sa Antipolo, nakabili na siya ng car at maayos na rin ang anak niya.

In any case, puring-puri siya ni Direk Rory Quintos. Hindi raw sila nainip sa shooting dahil sa pagpapatawa ni Pokwang.

* * *

Sosyal na pala ngayon ang dating bold star na si Ynez Veneracion. Hindi man natin siya napapanood sa bold movies dahil wala na nga siyang pelikula or sa TV show man lang, nakapagpatayo naman siya ng bahay somewhere in Pasig. And take note, hindi lang basta bahay, may swimming pool pa.

Madalas daw kasing mag-show sa abroad si Ynez kaya malaki ang kinikita nito.

Ang ex-boyfriend niyang si Mon Confiado ang nagbuking sa raket ni Ynez kaya siya nakapagpatayo ng bahay.

At kahit split na sila, friends pa rin sila ni Ynez kaya naman siya (Mon) ang nag-asikaso sa pagpapagawa ng bahay ng dating sexy star.

"Kahit nga no’ng birthday niya, don pa rin siya sa 22nd Street Bar (owned by Mon and his sister Kai) nagpa-party. Wala namang problema sa amin," sabi pa ni Mon nang minsang maka-tsikahan namin.

Kung walang project si Ynez sa bansa, kabaliktaran naman ito kay Mon. Kasi bukod sa pagha-handle niya ng comedy bar na may two branches na sa Metro Manila at malapit nang madagdagan - another one in Cebu, eh busy pa rin siya sa taping ng Ang Panday (ni Jericho Rosales).

Pero na-miss na niya ‘yung panahon na naglalagare siya ng kung ilan-ilang pelikula. Sa tumal kasi ng movie industry, bibihira na rin siyang magka-pelikula. Buti na lang at visible siya sa TV.

Either TV or stage play ang pinagtutuunan niya ng pansin. Madalas, sa UP siya lumalabas sa stage play.

* * *

Salve V. Asis’ e-mail - [email protected]