Mga pasabog sa ‘S-Files’

Ngayong hapon sa S-Files (GMA 7), maghaharap sina Sheree at Gwen Garci tungkol sa issue na inagaw ni Sheree ang boyfriend ni Gwen kaya siya hinahunting nito. Maghaharap ang dalawang sexy dancer-singer ng Viva Hot Babes. Sino kaya ang palaban sa dalawa? At issue pa rin kay Sheree at Onemig Bondoc na umano ay hindi pabor ang parents ni Onemig kay Sheree.

Isang sexy actress naman ang magpapakasal na sa kanyang non-showbiz bf. Member ng isang sikat na banda na bukod sa may-asawa na, may iba pang kinakalantare!

Isang model-actor naman, kilalang showbiz ang kanyang family, may mabigat na dinadala at anuman ang kwentong ito ay sasagutin ng aktor sa nasabing talkshow.

Aapir din si Ara Mina, live upang sagutin ang mga tanong ng mga hosts na sina Pia Guanio, Paolo Bediones, Richard Gomez and Joey Marquez tungkol sa mainit na balitang nagkakamabutihan sila ni Polo Ravales. At open si Reggie Curley, isang handsome actor na malapit nang magbida ay pinangangalandakang malaki ang crush niya kay Ara, isa ito sa isisiwalat ni Ara mamayang hapon sa S-Files. Kaya tutok na! — LGC