Kwarto ni Jasmine, puno na ng mga awards

Simula nang maging third placer si Jasmine Trias sa 2004 American Idol, naging siya ang most awarded citizen ng Hawaii last year, hanggang ngayon 2005. Maging sa ating bansa, mapupuno na rin ang isang kwarto ng mga tinanggap na parangal ng Fil-Am artist.

Si Jasmine ang pinarangalan bilang Hawaii Entertainer of the Year 2004 at ang gawad ay binigay sa kanya noong Abril 3, 2005.

Last July 2, tumanggap naman ng Governor’s Commendation, State of Hawaii at Mayoral Commendation, City and County of Honolulu. Noong Disyembre, 2004, pinarangalan si Jasmine bilang Asia: People of the Year 2000. Una rito, tinanggap niya ang recognition award of Excellent as Ambassador of Goodwill, galing sa Philippine Consulate General Office sa Los Angeles, California.

Nasa listahan pa ang Kalayaan Performing Arts of Music Award, Fashion Award for Bench Model of the Year 2004, Filipino World Class Achiever’s Award mula sa Quezon City Chamber of Ngo-Po, Inc., Plaque of Recognition mula sa National Movement of Young Legislators, Plaque of Recognition mula sa Tanza, Cavite, Music Award 2004 mula sa kanyang Alma Mater ang Maryknoll High School ng Hawaii; Commendation from the US Attorney General of Hawaii Edward Kubo.

Higit sa lahat, nagkaroon ng proclamation galing kay Hawaii Lt. Governor Duke Aiona ng "Jasmine Trias Day" noong Mayo 13, 2004.

Noong magtapos ng high school sa Maryknoll si Jasmine, kasama siya sa National Honor Society. Ibig sabihin, mahusay siya hindi lamang sa music, kundi sa lahat ng kanyang mga subjects.

Ka-birthday ni Jasmine ang Star for all Seasons na si Vilma Santos. She will be celebrating her 19th birthday on November 3.

Naging available last July ang kanyang album mula sa Clockwork Entertainment. Dito naman sa ating bansa, ilalabas ngayong Setyembre ang "Jasmine Trias" album mula sa Universal Records.

Darating ngayong Linggo, Setyembre 4 si Jasmine Trias, para sa launching ng kanyang bagong album.

Nasa Podium mall si Jasmine sa September 16 (Friday), sa SM Bacoor sa September 17 (Saturday) at sa SM North Edsa sa September 18 (Sunday).

Pasyalan ninyo ang mga nasabing malls kung gustong mapanood si Jasmine ng libre. Magsisimula ng alas-5 ng hapon ang showcase.