Huling anibersaryo na ba ng ‘Sis’?

Ika-apat na taon na ng programang Sis ngayong buwan ng Agosto at kasalukuyan nila itong ipinagdiriwang sa loob ng isang linggo.

Pero may tsikang nakarating sa amin na imbes na matuwa at magsaya ang mga taong bumubuo ng nabanggit na programa ay tila malungkot sila dahil pakiramdam nila ay huling anibersaryo na ito ng Sis.

Hindi diretsong sinabi sa amin na mamamaalam na ang programa nina Janice at Gelli de Belen with Carmina Villaroel kundi nabanggit na "Hindi na kami nanalo ng isang buong linggo, there are times na talo na kami ng Homeboy, tulad nung Lunes, umpisa ‘yun ng anniversary week namin, pero talo kami ng three points.

"Magaganda naman ang line-up ng show at sa kabila, sina James Yap at Kris Aquino lang, pero mas pinanood sila, so iisa lang ang ibig sabihin nun, dumating na kami sa puntong sawa na ang taong panoorin ang Sis.

"The show is good, but we must admit na kailangan na ring magpahinga ng programa dahil sa nangyayari ngayon, masuwerte pa rin ang Sis dahil umabot siya ng apat na taon," paliwanag sa amin.

Pero hindi pa rin daw mako-consider na panalo na ang Homeboy ni Boy Abunda dahil never pa naman itong nanalo sa rating games for one straight week, one or two times a week lang daw ito manalo.

* * *

Aaminin kaya ni Angel Locsin na kaya siya nakilala at sumikat ay dahil sa pagkamatay ng boyfriend niyang si Miko Sotto?

Let’s face it, ilang taon na rin sa showbiz si Angel pero hindi pa rin siya napapansin masyado at sa katunayan ay mas sikat pa sa kanya noon sina Valerie Concepcion, Iya Villania at Jennylyn Mercado sa youth oriented show na Click.

At saka lang siya sinubaybayan ng tao nung nawala na si Miko dahil nga at that time ay nali-link na kaagad siya kay Oyo Boy Sotto na naging shoulder to cry on niya hanggang sa naging boyfriend na niya ngayon.

Nagkataong nabigyan siya ng break sa Mulawin bilang si Alwina hanggang sa nagtuluy-tuloy na sa Darna.

Isa si Angel sa special guest ng Showbiz Stripped nina Ricky Lo at Melanie Marquez sa Sabado para sa episode na "claim to fame". Makakasama niya sina Aiza Seguerra (runner up sa Little Ms. Philippines), Jose Manalo (dating PA ng Eat Bulaga), BJ Forbes (Tide commercial), Archie Mendoza ( boyfriend ni Madame Auring), at Diana Zubiri (nagpa-pictorial sa tulay ng Ortigas).

* * *

Mukhang hindi pabor ang ilang empleyado ng ABS-CBN na napupuri namin ang bagong programa nilang Pinoy Big Brother dahil kaliwa’t kanan ang natatanggap naming text messages na pawang "paninira" ang sinasabi nila.

Say ng ibang taga-production, "Ang tsa-tsaka ng contestants, halatang may pinaboran, bakit mas maraming may kaya sa buhay kaysa jologs? Iisa lang ang mahirap? Dapat halu-halo ang ginawa nila, may bata, may matanda, may bading, may tomboy, etc. E, halatang iisa ang profile."

Eto naman ang comment ng taga-News Department, "Ka-cheapan ang Pinoy Big Brother na ‘yan, at dapat ang title d’yan, Pinoy Big Sister, kasi bading ang boses ni "kuya."

Haay, naaliw kami sa comments ng mga taga- Dos dahil imbes na suportahan nila ang bago nilang programa, sila-sila mismo ang naninira, paano mababawi ang P120-M na nagastos dyan? – Reggee Bonoan