84 years old na si Eddie Garcia!

Kinulit-kulit ko si Eddie Garcia sa tunay nitong edad dahil ani Atty. Espiridion Laxa ay hindi totoong lagpas na ito ng otsenta anyos.

"Kaibigan ko pala si Atty. Laxa. I’m 84 years old at 1921 ako ipinanganak. Kaya malakas pa ako, dahil I take things in moderation at wala akong bisyo. Sixteen ang lahat ng bitaminang iniinom ko at cool lang ako at ayaw kong makunsumi kaya siguro wala sa mukha ang tunay kong edad," ani Eddie.

First time niyang lumabas sa Violett Films via Lisensiyadong Kamao kasama si Manny Pacquiao.

Dawn, Lalaki Ang Magiging Anak

Ang ganda-ganda pa rin ni Dawn Zulueta nang dalawin namin sa set ng Encantadia. Lalaki ang kanyang isisilang na sanggol. Napuna namin sa kanya na hindi totoo ang kasabihan na pag lalaki ang anak ay hindi palaayos ang babae at maitim pa ang leeg.

Hindi halata ang kanyang tiyan na nasa ikaanim na buwan na dahil maluwang ang kanyang costume.

Excited na ang kanyang asawang si Anton Lagdameo sa nalalapit nitong panganganak sa last week of November o first week of December at sinabing ito ang pinakamasayang Pasko nilang mag-asawa.

2 Resthouse, 1 Mansyon Ng Aktres, Bigay Ng Dom

Marami ang nagtataka kung bakit hindi na interesado ngayong lumabas sa sexy movies ang magandang aktres at pati sa TV shows. Mayaman na ito ngayon at may marangyang pamumuhay.

Alaga na ito ngayon ng isang mayamang DOM. Binigyan siya ng dalawang resthouse sa isang southern province at isang malaking mansyon sa isang flushy subdivision sa Metro Manila!

Maganda ang pasok ng sexy star sa showbiz dahil bongga ang kanyang promosyon at publicity mula sa isang independent film at inilunsad agad ito sa pagiging ganap na bituin.

Naging mainstay pa ito sa isang sitcom dahil magaling namang magpatawa pero pa-guest-guest na lang ito sa TV. Nagso-show pa rin ito sa Japan dahil magaling naman siyang umawit at gusto ng mga Japanese customer dahil sa flawless complexion.