Bakla ang mga sinasabing nobyo

Break na pala ang maliit na artista at ang kanyang bading na nobyo. Una nitong naging boyfriend ay isa ring bading na taga-showbiz na umingay lang ang careeer nang ma-link sa artistang taga-TV.

Ang ikatlo ay bading din at ang ikaapat ay isang silahista naman.

Bakit kaya mahilig ito sa bading na nobyo?

Baka naman nasasayahan siya dahil para silang magkabaro, di kaya?

Ang artista ay madalas mag-show sa Japan at madalas maintriga.

Aubrey, Tumanggi Sa Kasal

Inaalok na pala ni Troy Montero ng kasal si Aubrey Miles pero tumanggi ito. Naintindihan naman ng aktor na hindi pa handang lumagay sa tahimik ang kanyang nobya dahil prayoridad pa rin nito ang kanyang career.

Kailangan ng aktres na kumayod pa para makatulong sa kanyang pamilya. Naintindihan naman ito ni Troy at hindi naman nabawasan ang pagmamahal niya sa nobya. Nakahanda raw siyang maghintay para patunayan na siya talaga ang babaeng pangarap niyang ihatid sa altar.

Angelika, Binabalikan Ni Derek

Ayon kay Angelika dela Cruz ay tatlong taon silang magkaibigan ni Derek Ramsey. Kapag may problema siya ay ito ang hingahan niya ng sama ng loob.

"Pero, hindi niya ako nililigawan bagaman at may pahiwatig siya na kapag sumapit ako ng twenty eight years old at dalaga pa ako ay babalikan niya ako."

IC, Minamahal Dahil Sa Kanyang Lola At Mommy

Inamin ni Mike Tan na hindi niya intensyon na saktan ang damdamin ni IC. Humingi na siya ng paumanhin dito at sa mommy nitong si Dolly Ann Carvajal.

Mapalad si IC dahil maraming nagmamahal sa kanyang yumaong lola na si Ate Luds at maganda naman ang PR sa press people ni Dolly Ann kaya mahal din nila si IC.

‘Red Eye’, Bagong Obra Ni Wes Craven!

Itinuturing na isang alamat sa paggawa ng horror movies ang director na si Wes Craven dahil sa tagumpay ng A Nightmare on Elm Street at Scream. Ngayon, may bago siyang obra maestra na tiyak na magdudulot ng kakaibang thrill sa mga manonood, ang Red Eye. Kinunan sa napakalaking eroplanong Boeing 767 na may higit sa 150 pasahero, ito ay pinangungunahan nina Rachel MacAdams (The Wedding Crashers, The Notebook) at Cillian Murphy (Batman Begins, 28 Days Later).

Mula sa Dream Works Pictures, ito ay ipinamamahagi sa Pinas ng United International Pictures sa pamamagitan ng Solar Entertainment Corporation.