Ethel, hirap sa Ingles kapag nakikipag-away sa ka-live in!

Natawa kami nang sabihin ni Ethel Booba na nagkakaroon din sila ng pag-aaway ng live-in partner na si Alex Crisano. Kapag nagtatalo sila ay nahihirapan na siyang mag-Ingles.

Minsan ay nag-away nga sila at dahil nauubusan siya ng Ingles at hindi ma-express ang gusto niyang sabihin ay nagtatalak ito sa wikang Tagalog. Nagalit si Alex dahil hindi naman siya maintindihan nito dahil konti pa lang ang alam nito sa Tagalog.

Kaya nga gusto ni Ethel na pag-aralin si Alex ng Tagalog. Isa pa, may offer itong gawin ang Zuma. Gusto rin nitong maging artista ang bf pero hindi siya papayag na maghubad ito.

Cesar M., Magiging Abala Sa International Scene

Hindi natanggap ni Cesar Montano na maging host sa Pinoy Big Brother dahil abala ito sa promosyon ng pelikulang The Great Raid ng Miramax Films. Magiging abala rin ito sa paglilibot sa abroad dahil sa mga meetings nito sa mga agents sa Hollywood sa darating na September para sa mga future projects.

Pumirma na si Buboy ng two-year contract sa Miramax.

Magiging abala rin ito sa pagpunta sa iba’t ibang international film festivals gaya ng Hawaii at Tokyo, kung saan naimbitahan ang kanyang Panaghoy sa Suba.

May entry sa Metro Manila Film Festival si Cesar titled Fatherland sa direksyon ni Gil Portes pero, di tiyak kung makakapasok ito sa Jan. 1 playdate.

Vhong, May Anak Sa Tate?

Nakikipag-cooperate na rin si Bianca Lapus sa annulment case na isinampa ni Vhong Navarro sa korte. Nahihirapan lang ang aktres dahil hindi nito kayang bayaran ang magiging proseso sa korte.

Nababalitaan ni Bianca na may anak pa rin si Vhong sa iba na nasa Amerika. Pinabulaanan nito ang balitang hindi siya maka-move on kumpara sa ex-hubby. Katunayan ay may boyfriend ito na nagngangalang Raymond Morente na isang model. Katulong ito sa pag-aasikaso ni Bianca ng Artista Salon na magkakaroon ng branch sa España.

Blind Item:

Sikat Na Aktor, May Rich Benefactor Pa Rin May nakapagkwento sa akin tungkol sa sikat na aktor na ito na may rich benefactor pa rin pala. Paiba-iba ang kanyang sasakyan na puro mamahalin lalo na ang bagong sportscar nito ngayon.

Gaano katotoo na ito rin ang tumutulong para magkaroon siya ng mga negosyo?

Ang sikat na aktor ay hindi nababakante sa soap opera dahil magaling umarte.