Mga eksena ni Paolo Montalban sa The Great Raid na-edit

Tomorrow, Wednesday ang regular showing ng The Great Raid, starring Benjamin Bratt, Joseph Fiennes, James Franco, Cesar Montano among others. Ang Pioneer Films ang distributor ng said film. Sila ang nakabili ng rights para i-distribute locally ang first Hollywood film ni Cesar Montano. Aside from Pioneer Films, nag-attempt din ang Viva at ABS-CBN na bilhin ang rights ng pelikula.

Sa Amerika sa August 12 pa ang showing nito.

Rated R ang ibinigay ng movie ratings ng watchdog ng Amerika na Motion Picture Association of Amerika. Meaning hindi puwedeng manood ng pelikula ang mga under 18 unless may kasama silang adult.

Pero umapela ang Miramax Films, producer ng The Great Raid na baka puwedeng gawing PG 13.

Sa online report, ikinatuwiran ng Miramax na "There have been a number of war films with comparable levels of violence that were given a PG 13 rating including such films as Hotel Rwanda, Master and Commander and Pearl Harbor."

Anyway, excited si Cesar na ikinukuwento na pinalakpakan ang acting niya sa pelikula nang magkaroon ito ng world premiere sa Loew’s Theater sa Washington DC last week. Present si dating US First Lady and now Senator Hilary Clinton at dalawa pang US senators sa nasabing premiere night. "Paglabas ng name ko sa screen after the preview, hindi naman sa pagyayabang pero sigawan at nagpalakpakan sila. Nakita lahat ‘yun ng mga taga-Miramax," sabi ni Cesar.

Eight hundred ang capacity ng Loew’s Theater at base sa estimate ni Cesar, 10% lang ang Filipino sa audience kaya shocked din siya sa naging reaction ng mga Kanong nanood.

"Dream come true ito para sa akin. A very rare opportunity. Para lang akong nananaginip hanggang ngayon. Hindi ako makapaniwalang ipalalabas na sa bansa ang pelikulang gawang Hollywood," sabi pa niya.

Three pictures ang contract niya sa Miramax for two years. Kaya lang, magmi-merge na ang Miramax at Disney Pictures. Hindi siya worried sa merging dahil magtatayo ng sariling company ang dating may-ari ng Miramax. Pero kailangan pa rin niyang makipag-usap sa Miramax para malaman kung anong mangyayari sa pinirmahan niyang contract sa kanila.

Dalawang pelikula pa ang gagawin niya supposedly sa international film outfit, pero kailangan niya munang mag-hire ng agent sa Amerika na makikipag-negotiate sa mga future projects niya roon.

Anyway, instead na sa bansa mag-shooting ang The Great Raid, sa Shanghai at Australia nag-shooting ang pelikula. Nagkataon kasing may problema sa terorista ang ating bansa nang gawin ang pelikula.

Ang screenplay ay base sa books na Ghost Soldiers by Hampton Sides and The Great Raid on Cabanatuan by William B. Breuer.

Importante ang role ni Cesar as Captain Pajota na nag-led ng group ng Filipino guerrilla na may suporta ng US troops na nag-rescue ng American prisoners of war being held in Cabanatuan.

"Kaya nga napaka-importante ng role ko. Hindi mabubuo ang grupo kung wala ako," he said.

Dead na si Captain Pajota (the real one). No’ng time na nagkaroon ng World War II ang estimate ni Cesar, mga 30 something years old ito. Pero nakilala naman daw niya ang isa sa mga anak nito.

Kasabay ng showing ng pelikula ang 60th anniversary ng nasabing daring operation na kino-consider na "the most successful rescue mission in American history."

Sa original copy ng pelikula, mahaba ang role ni Paolo Montalban, pero after the editing na-lost ang mga eksena ni Paolo.

* * *

Parang pelikula ang music video ng bagong single ni Gary Valenciano na "Break Me" from his album "Soul Full" under Universal Records.

Imagine four days silang nag-shooting. Ang anak ng the late Bella Tan ang nag-direk ng music video. Sa the making ng music video, makikita mo kung gaano na kalaki ang gastos nila. Sabi nga ni Direk Jeffrey, almost P4.5 million ang ginastos nila.

Kung tuusin, mas malaki pa ang budget nila kesa sa isang so-so Tagalog movie.

Anyway, dedicated ang song and video sa namayapang si Ms. Bella kaya wala silang hesitation sa budget.

Ang lungkot ng music video. Nang ipapanood nga during the presscon, maiiyak ka. Nakakalungkot kasi.

Ikinatuwiran ni Direk Jeff na kaya inabot ng apat na araw ang taping dahil kinonsider niya rin ang health ni Gary.

Hindi pa kasi natatagalan nang atakihin si Gary sa kanilang ASAP sa San Francisco show dahil sa kanyang diabetes. So far, ‘yun daw ang worst attack niya.

And after naman ng album na ito, gagawa siya ng isang album na danceable dahil nami-miss na siya ng mga fans na sumasayaw.

Anyway, bukod sa promo ng album, busy din si Gary sa kanyang concert sa September 2 sa Araneta Coliseum, Symphony of the Heart.

Dapat sana’y birthday concert niya ito last August 5, pero nawalan sila ng time kaya na-move sa Sept. 2. "Ayoko namang madaliin. Kasi hahabol nga sa birthday pero hindi naman ready, so mas ok na ‘yung prepared kami," Gary said.

For the first time, ang San Miguel Philharmonic Orchestra ang makakasama niya.

* * *

Happy fiesta sa mga kababayan ko sa Rizal, Sta. Elena, Camarines Norte, tomorrow. Si Nuestra Señora de Salvacion ang patron saint. Si Ms. Cel Fermo, brgy. captain ang punong abala sa celebration.

Birthday greetings also to Ms. Claire Lucban, tomorrow din, August 10. Happy birthday tita.

Avid readers sila ng PSN and PM.

* * *

Salve V. Asis’ e-mail - [email protected]