Camille Pratts certified Kapuso na!

Certified Kapuso na si Camille Prats. Starting August 15, mapapanood na siya sa afternoon show ng TAPE Inc. "Medyo weird nga no’ng una kasi parang naninibago ako, imagine after 13 years sa ABS-CBN iba na ang mga taong kasama ko ngayon," she said in an interview. "It took half a day para maging comfortable kami. Nag-bonding muna kami nila Direk Gina (Alajar)."

Kung sabagay ang tagal na rin naman kasing jobless ni Camille sa ABS-CBN. Last show niya pa ang Home Along Da Airport na last December pa nawala sa ere.

"In all fairness naman sa ABS-CBN mabait sila sa akin, wala lang nga akong trabaho, pero wala akong kahit anong sama ng loob sa kanila," she said.

Pero ang ABS-CBN Star Magic pa rin ang nagha-handle sa kanya up to September. Kaya naman bago niya tanggapin ang offer ng TAPE Inc., nagpaalam siya ng maayos sa ABS-CBN.

Pero bago dumating ang offer ng GMA show, nag-plano na sana si Camille na mag-enroll sa Australia, pero na-moved na dahil nga sa kanyang bagong show.

Mature na Camille ang mapapanood sa Kung Mamahalin Mo Lang Ako.

Lahat nga naman kasi pa-cutie role ang ginagawa niya after Princess Sarah. Nakakabit na si ‘Princess Sarah’ sa kanya. But this time, nagyo-yosi at malditang Camille ang mapapanood n’yo.

Anyway, ang laki ng ipinayat ni Camille. The last time I saw her sa shooting noon ng Dreamboy nina Piolo Pascual and Bea Alonzo, ang lusog ng young actress. "Nag-boxing ako. Sa harap kasi ng office ng daddy ko, may Elorde boxing center so nag-enroll ako," kuwento niya tungkol sa biglaan niyang pagpayat.

Kaya nang mag-taping sila for Kung Mamahalin Mo Lang Ako prepared na siya. Payat na siya at iba na ang appearance sa screen.

* * *

Natatandaan n’yo ba ang commercial ng Sky Flakes na naiinis ang girl sa boyfriend niya? Nang tanungin ng bf niya kung bakit, sagot ng girl, nagugutom lang siya. Ang girl na nagugutom ay si Marian Rivera, na ngayon ay nag-join na rin sa showbiz.

Matagal na sanang gustong mag-showbiz ni Marian pero hindi siya pinapayagan ng kanyang parents. Ang father niya ay naka-base sa Madrid, Spain samantalang ang mother naman niya ay nasa London.

So wala siyang choice noon kundi maging priority ang studies hanggang maka-graduate siya ng Psychology last March sa La Salle-Dasmariñas.

After she graduated, hindi na siya nag-isip pa na ituloy na mag-join sa showbiz. At the same time, pumayag na rin ang parents niya kaya walang naging problema dahil naka-graduate na rin naman siya.

Suwerte naman. Bida agad siya sa bagong season ng afternoon drama ng TAPE Inc. sa GMA, Kung Mamahalin Mo Lang Ako. Ka-partner siya ni Oyo Boy Sotto. Sayang lang nga ay may Angel Locsin na si Oyo dahil kung hindi, malamang ma-inlove siya kay Marian.

Nai-in love na kasi talaga si Oyo Boy sa nagiging partner niya na ang last nga ay si Nadine Samonte.

"Pero close na sila ni Oyo. Text pal na sila," sabi ng manager ni Marian na si Popoy.

Anyway, since mag-start siya ng taping ng first TV project niya, nag-decide ang manager niya na nag-rent ng sariling place si Marian.

"Gusto kong ma-realize niya na hindi instant ang pag-aartista. Dapat maramdaman niya na kailangan niyang mag-concentrate sa trabaho, hindi porke’t bida agad siya eh baka mag-feeling star agad," sabi ni Popoy.

Pero may ref at TV naman sa condo unit. Pero walang washing machine kaya manual pa siyang maglaba. Nago-offer ng money ang parents niya para mapuno agad ng gamit ang nari-rentahan niyang condominium. Pero she refused it.

Sa lola lumaki si Marian kaya naging independent siya. Only child ang baguhang actress.

Anyway, dahil sa sobrang pressure, dahil nga bida agad, wala raw ginawa si Marian sa first few taping days kundi umiyak. Minsan daw nasa isang sulok ito at walang ginawa kundi umiyak. "Pero after naman po naming mag-usap ni Direk Gina (Alajar), naging comfortable na ako. Saka sobrang bait ng mga kasama ko. Tinuturuan nila ako kung paano umarte ng tama," she said.

From My Inbox

Good day! Ms. Salve, avid reader mo ako sa column mo everyday ako bumibili ng Pilipino Star Ngayon. Nag-email ako sa ‘yo ask lang ako ng favor baka may gustong bumili ng resort ng cousin ko, 2,750sqmtrs - may tatlong swimming pools (1 for old, young & baby) location nya sa Malolos Bulacan.

Dati ay ako ang nag-ooperate kaya lang nagkaroon ng problem sa mga tauhan kaya na  stop ako. Ang presyo niya is P16M may 10 rooms - resort and hotel siya at may parking space. Puwede siyang dalawang bigay depende na lang sa pag-uusap kung may gustong makita ang site pwede ko kayong samahan.

Ako nga pala si Merlyn Bearneza, working here at Pasay City.

Thank you.