Tolits, pilit pinapatay sa text messages

Malaki siguro ang galit kay BJ Forbes nang pasimuno sa text messages na patay na ang child actor. Aba’y paulit-ulit nitong pinapatay sa text messages ang bagets at ang huling natanggap ng mga kasama nito sa Eat Bulaga ay ready na for public viewing ang body nito. Pati raw name ng funeral parlor ay nakalagay.

But how true na kilala ng pamilya ni BJ ang nasa likod sa paulit-ulit na pagpatay sa bata sa text messages? Kung totoo ito, bakit hindi siya kausapin ng parents ng bata at alamin ang kanyang motibo? Mag-iisip ka tuloy kung ang parents o si BJ mismo ang may kasalanan sa taong nasa likod ng text messages.

Pero, kung napapanood ninyo si BJ sa Eat Bulaga, parang hindi ito apektado sa kapalpakang ginagawa sa kanya. Gusto tuloy naming ma-interview ang bagets para marinig ang isasagot sa patuloy na pagpatay sa kanya sa text message.

* * *

May bagong ginawa ang two male singers na narinig na nagbibigayan ng tips kung paano ang proper way nang pag-a-apply ng make-up. Kuwela rin ang bagong gimik ng dalawa and I’m sure, matatawa rin kayo gaya namin. Isa uling source namin ang nakarinig sa dalawa na nagpapataasan ng boses sa kanilang vocalization rehearsal. Tuwang-tuwa ang aming source dahil ayaw magpatalo ang bawat isa.

Kapag mataas ang boses ng Male Singer A sa kanyang vocalization, lalo namang tinataasan ni Male Singer B ang boses. Hanggang sa halos wala ng boses na lumabas sa kanila dahil sa sobrang taas ng mga boses.

Ayaw pa rin naming magbigay ng clue. Basta, aliw ang dalawang ito na in fairness, parehong magaling na singer.