Kris, dinedma ni Alvin

For the first time, nagkita-kita the other night sa isang gathering sina Kris Aquino, James Yap and Alvin Patrimonio. Kuwento ni Mae Ochoa, feeling awkward daw si Kris dahil feeling niya, nai-ignore siya ng ex-boyfriend niya sa dinner for sports editors and PBA Press Corp hosted by James Yap na candidate pala for PBA Rookie of the Year. Lahat daw kasi ng present tinapik ni Alvin sa balikat, pero pagdating kay Kris, parang dedma raw ito.

Pero kuwento naman ni Ms. Dina Marie Villena, PSN Sports Editor, ‘Hi’ lang ang batian ng dalawa.

Team manager si Alvin ng Purefoods kaya wala siyang choice kundi suportahan ang kanilang shooting guard na si James. Hindi naman daw nag-stay ng matagal si James, mga 15 minutes lang ito.

Anyway, almost 9:00 p.m. daw nang dumating si Kris sa Pantalan restaurant. "Grabe pala ang PR niya. Lovable siya at ang daming kuwento," sabi ni Ate Dina.

Isa sa kuwento ni Kris according naman kay Mae Ochoa kung ano ang reaction ni Presidente Corazon Aquino nang sabihin niyang nakipag-date siya sa basketball player. Nang i-mention niya raw ang name na James Yap: "Talaga magaling siya. Rookie ‘yan ng UAAP."

Galing daw ng Manaoag, Pangasinan sina Kris and James bago sila tumuloy sa Pantalan. Inabot ng 12NU ang nasabing dinner.

Nakuwento ni Kris na seloso raw si James. Ayaw daw nitong makipag-kissing siya sa movie and TV kaya two movies na lang ang gagawin niya - Sukob with Claudine Barretto and another movie under Star Cinema at willing siyang i-give up ang career niya.

* * *

Parang hindi bagay sina Alfred Vargas and Rochelle Pangilinan. Nakita ko silang magka-partner sa 55th anniversary presentation ng GMA.

After kasi ng presentation nila kung saan sila magka-partner para sa most popular Kapuso loveteam, parang wa na care si Alfred kay Rochelle. Ni hindi ko nga nakitang inalalayan ni Alfred si Rochelle pababa ng stage.

Anyway, baka naman personal observation ko lang ‘yun. Kasi ang daming kinikilig sa loveteam nila sa Daisy Siete.

Anyway, sa anniversary pa rin ng GMA last Saturday, nakausap ko for a while si Eagle ng Unang Hirit.

Happy siya dahil kahit nag-reformat na ang Magandang Umaga Bayan na ginawang Magandang Umaga Pilipinas, still mataas pa rin ang rating ng show nilang Unang Hirit.

Ayaw namang mag-comment ni Eagle tungkol sa sudden disappearance ni Daniel Razon. "Nalulungkot talaga ako kasi closed kami at mabait talaga siya," sabi ni Eagle.

Nawala kasi si Daniel sa show at iniintriga na dahil yun sa feud nila ni Bro. Ely Soriano.

* * *

Nagbigay na ng official statement ang ABS-CBN tungkol sa appointment ng mga bagong official ng News and Current Affairs.

Nauna na si Maria Ressa bilang head ng ABS-CBN News and Current Affairs, si Charie Villa naman ang magiging head ng News gathering, si Luchie Cruz Valdez ay mananatiling Head of the Network’s Current Affairs group, Beth Frondoso, CBN will continue as Supervising Producer of TV Patrol, Vince Rodriguez, one of the network’s veteran executive producers and news managers will continue to head the Studio 23 news operation and JR Umipig was appointed Head of News Engineering.

"The objective here is to make ABS-CBN the most credible and respected in the field of news and current affairs," Mr. Cito Alejandro said regarding the appointments.

Pero may ilang nag-aapela sa re-appointment ni Luchi Cruz Valdez dahil since mag-transfer daw ito sa ABS-CBN, wala naman itong na-prove. "Siya pa nga ang nagha-handle sa TV Patrol nang bumagsak ang rating nila," sabi ng isang ABS-CBN insider na ang pakiramdam ngayon ay dead end na ang kanyang career dahil sa early retirement.

Maging ang kapalaran ni Mr. DJ Sta. Ana ay tinatanong nila kung saan na pupunta.

Balitang marami pang mangyayaring changes sa buong kumpanya ng Dos.

Wait na lang tayo.

Pero kung meron man daw pinaka-masama ang loob ngayon, si Erwin Tulfo daw ‘yun. Remember nga naman, meron siyang offer no’n sa GMA na tinanggihan niya. Tapos later, remember di ba may sinabi pa siyang offensive against GMA at may condition na bawal sila mag-transfer sa competing network.

By the way, sana rin makita ng bagong management ang mga irresponsible journalist ng News and Current Affairs ng ABS-CBN na ginagamit ang kanilang programa para paboran ang iilang tao.