Gary V., ibibili ng truck ang Christian brothers niya!

Hindi naman actually si Gary Valenciano ang bibili ng truck, gamit ang pera niya. Pero, siya ang magsisilbing tulay para mabigyang katuparan ang pangarap ng kanyang Christian brothers na makabili nito para makapunta sila sa malalayo at maraming lugar at matulungan ang mga nangangailangan nilang mga kapatid. Gagawin niya ito sa pamamagitan ng isang dalawang gabing fundraising concerts na magaganap sa Alabang New Life Christian Center ngayong Huwebes Hunyo 23 at 24.

Pinamagatang Gary V Soul Full, isang partnership ito ng Alabang New Life Christian Center at ng Muntinlupa City government sa ilalim ni Mayor Jaime Fresnedi.

Napiling Most Outstanding NGO (non-government organization), tinatanggal nito ang mga kabataan sa lansangan at mailayo sa buhay na puno ng krimen. Tatatlong taon lamang ito pero, mga 11,000 kabataan na ang nakasisiguro ng isang magandang bukas.

Pero bukod sa paghahanap ng pondo para sa kanyang mga Christian brothers, Gary V wants to touch people’s lives, brings hope into hopeless lives.

Ang Soul Full na siya ring titulo ng latest album ni Gary V sa Universal Records ay magtatampok din kina Tricia Amper-Jimenez, Gabriel Valenciano, Paolo Valenciano, si Nikki Gil ngayong Huwebes 23rd at si Kiana Valenciano sa 24th. Mon Faustino provides musical direction.

* * *

Ang 18 taong gulang na si Stephanie Anne San Luis at ang 20 year old na si Briant Racho ang nanalong image models sa isinagawang annual search ng Star Group of Malls. Nanalo ang dalawa ng tig-isang 2-year certificate scholarship na nagkakahalaga ng P40,000 mula sa AMA Computer Learning Center, complimentary accommodation sa Richville Hotel, modeling workshop packages mula sa Boss Models, gifts packs mula sa Marcella’s at Rough Rider Jeans at P15,000 each.

* * *

Hindi pa man nailo-launch sa isang pelikula ang Regatta Girls bagaman at gumagawa na ang mga ito ng kanilang debut film, muli na namang nagbuo ng isang grupo ng mga seksing kababaihan ang negosyanteng si Ed Manuel.

Ang grupo na may pangalang Harbour Babies ay pawang mga ramp models pero, kumpara sa mga Regatta Girls na mga sweet at wholelsome, anag bagong grupo ay pawang palaban at daring.

Ang grupo ay binubuo nina Mariela Velayo, Cali Nazzer, Willa Marcelli, Tarsha Leon, Shari de Santi, Mewren Aziz at Babes Shutz. Sing and dance ang grupo.

Hindi kaya dahil mas daring ang Harbour Beauties ay masapawan nila ang Regatta Girls?

* * *

Sa sobrang kasikatan ni Angel Locsin at ang character na pinoportray niya sa TV na Darna, sinapawan nito ang isang top government official nang dumalo ito sa Philippine Independence Day Celebration sa Japan kamakailan lamang. Halos walang natirang tao sa booth na kung saan ay naro’n ang mga opisyal ng Philippine government dahil nang lumabas si Angel na naka-Darna costume, ay naglipatan ang lahat ng tao sa kanilang booth.