Maraming anak at kamag-anak ng mga artista ang nasa Batch 13 ng Star Circle

Tuloy naalala ko ang nawala nang programang That’s Entertainment ni Kuya Germs na nagsimula ng kanilang isang dekadang palabas sa TV sa pamamagitan ng pagtatampok sa mga kundi man anak ay kamag-anak ng mga dating artista.

Ang Batch 13 ng Star Circle na iprinisinta sa media kamakailan lamang ay nagtatampok din sa mga anak at kamag-anak ng mga dating artista. Tulad ni Zia Marquez, 13 yrs. old at anak nina Joey Marquez at Brenda del Rio; ang kambal ni Bembol Roco na sina Felix at Dominic Roco, 16 yrs old; ang apo ni Gloria Romero at nag-iisang anak ni Marites Gutierrez na si Christopher Gutierrez, 13 yrs old; ang 21 taong gulang na kapatid ni Jericho Rosales na si Jeremiah Rosales; ang anak ng basketbolista at dating vice mayor ng San Juan Philip Cesar na si Nicco Cesar, 21 yrs. old; ang 14 yrs. old daughter ni Maria Isabel Lopez na si Maria Isabela Lopez; ang pamangkin ni Jay Ilagan na si Angelo Ilagan,15 yrs. old; ang kapatid ni Princess Schuck na si Empress Schuck, 12 yrs. old; Ang kapatid din ni Andrea Blaesi na si Isabel Blaesi, 15 yrs old; ang kapatid ni Megan Young na si Lauren Young, 11 yrs. old; 16 yrs. old brother of Carlos Agassi na si Aaron Agassi ; 20 yrs. old son ng parehong sikat na musikero na si Skyler Taylo at ang 14 yr. old na apo ni Mario Montenegro na si Valeen Montenegro.

May isa ring myembro na import– si Ava Johnson, 16 yrs old from Quebec, Canada.

Naririyan pa rin ang kambal na sina Katrina at Bianca Aguila, parehong 15 yrs. old; ang Star In A Million Searchee na si Lee Simon Brown, 18 yrs. old; 12 yrs old, AJ Perez; 19 yrs old. Angela Antonio; Princess Ryan, 16 yrs. old; Zaira dela Peña, 15 yrs. old; 17 yrs. old Dino Imperial at ang 17 yrs. old na si Timmyboy Sta. Maria.