No. 1 si Erik

Sa tinatamasang sunud-sunod na tagumpay ngayon ni Erik Santos, he is deserving na sabihing number one male artist ng music industry. Mapa-recording, shows o concerts, talagang hit na hit si Erik. Ang kanta niyang "I’ll Never Go" (na carrier single ng CD Lite album niya under Star Records) ay number one ngayon sa pop at music charts. Pati ang music video nito ay number one sa MYX at iba pang music video channels.

Kahit sa downloads ng ringtones at ringback tunes ay waging-wagi si Erik.

At just recently, his debut album has reached the double platinum. Ini-award ito kamakailan sa ASAP ‘05 kung saan mainstay siya.

At matapos ang matagumpay niyang series of shows sa America, ang mga kababayan naman nating Pinoy dito sa Pilipinas ang aaliwin ni Erik. Bukas, June 11, magkakaroon siya ng show sa Robinson’s-Angeles, Pampanga.

Mga kababayan naman natin sa Hongkong ang makaka-experience ng talent ni Erik sa June 19.

* * *

Iniintriga ngayon sina Claudine Barretto at Kristine Hermosa. Nag-react ang mga fans ni Kristine sa diumano’y pagba-badmouth ni Claudine kay Kristine during the presscon ng Nasaan Ka Man. When Claudine was asked tungkol sa pagbabantay ni Kristine kay Diether during the shooting of the said movie, sinagot niya ito ng maganda. Walang pagtataray o intriga.

Ngayon ay nagri-react ang mga fans ni Kristine. Pero huwag sana silang mag-react negatively. Para sa kaalaman ng fans ni Kristine, best of friends ngayon sina Claudine at Kristine. Noong sinu-shoot ang Nasaan Ka Man, best of friends sina Claudine at Kristine. ‘Yun ang time na nagsimula silang mag-bonding dahil nagkasama sila sa Maxi Peel commercial.

At higit sa lahat, magkumare ang dalawa. Ninang si Kristine ni Sabina na nag-celebrate ng 1st birthday last Sunday, June 5. Nakisaya si Kristine sa selebrasyon ng mag-inang Claudine at Sabina. Kaya paano ngayon sasabihin ng fans ni Kristine na nagtataray si Claudine sa kanilang idolo? Sa katunayan, isa si Kristine sa mga invited celebrities sa celebrity screening ng Nasaan Ka Man next week.