Actor, nagbabaon ng comforter para mambastos

Ang actor at ang comforter, bow!

Ano nga bang relevance ng comforter sa buhay ng komedyante? Well, malalaman n’yo na ngayong araw.

Ang nasabing comforter daw ang parating bitbit ng actor sa mga out of town shows noon.

Ang ginagawa raw nito everytime na magkakaroon ng out of town show, dala-dala nito ang nasabing comforter. Tapos pag nasa biyahe na, hihiga ito sa isang mahabang chair at magtatakip ng comforter. Pag medyo nakakatulog na ang ibang kasama, gagapang na raw ang kamay nito sa babaing gusto niyang bastusin.

Pero ‘yung isa niyang hinipuan, pumalag. Pero hindi lang siya ang victim. May iba pa.

Ang pipiyok guilty.

Basta wait na lang siya, may mangyayari ngayong araw na ikaka-shock ng actor na ito na ipinanganak na yatang malaswa.

* * *

Pinagsama-sama ng Showbiz Stripped ngayong Sabado ang ‘madadaldal’ sa showbiz - sina Armida Siguion-Reyna, Joel Lamangan, Lolit Solis, Daisy Reyes, Beth Jones (mother of Angelica Jones), Martin Nievera and Alfie Lorenzo.

Title ng show ang Yak’iti’yak (pandiwa) na hango sa salitang yak o yakyak (bumunganga, tumalak, dumada, dumaldal, bumula).

Kilalanin ang madadaldal sa showbiz.

Sina Melanie Marquez at Ricky Lo ang host ng show.

Oh by the way belated happy birthday kay ‘Nay Lolit Solis kahapon. Isa sa pinaka-mabait na tao at totoong kaibigan sa showbiz.

‘Nay Lolit salamat sa lahat.