Kinukwestyon ang pagiging Prince of Pop ni Erik

Kapalit ng kasikatan ni Erik Santos ang maraming intrigang ipinipukol sa kanya. Tulad ng titulong Prince of Pop na maraming nagsasabing dapat ay kay Christian Bautista. Una ay grand champion ng Star In A Million, pangalawa ay nagkamit ang kanyang This Is The Moment album ng Platinum award, ilang beses na nalagay sa chart-topping ang kanyang mga awit bukod dito marami siyang tagahanga sa mundo.

Kamakailan ay dumating si Erik mula sa abroad kung saan nakasama niya sina Vina Morales, Pops Fernandez at Regine Velasquez.

Sa kanyang pagbabalik ay haharapin niya uli ang promotion ng kanyang three-track CD Life na "I’ll Never Go", theme song ng Stained Glass. Awitin ito ng grupong Nexxus at carrier single ng CD Lite niya.

Ayon kay Erik ay bata pa siya ay mahilig na siya sa paglikha ng musika, ang Kung Maaalala Ka ay sarili niyang komposisyon sa pakikipagtulungan ni Arnold Reyes. Isa pang kasama ay ang komposisyon ni Jimmy Antiporda, ang "Who’s Loving You Now". – Alex Datu