Erik, kakanta na rin ng Koreanovela theme song!

Ginawang theme song ng Koreanovelang Stained Glass ang latest single ni Erik Santos na pinamagatang "I’ll Never Go", mula sa Star Records. Mula ito sa isang CD Lite na nagtatampok din sa awiting "Maalaala Mo Kaya" at "Who’s Loving You". Nasa US si Erik at kasama sa series of shows nina Pops Fernandez at Regine Velasquez.

* * *

Inaabangan na ng mga bagets ang bagong reality TV search ng ABS CBN na QPIDS, isang konsepto ni Director Laurenti Dyogi na kung saan ay tutulungan ang siyam na love princesses (Karel Marquez, Pauleen Luna, Hazel Ann Mendoza, Jill Yulo, Paw Diaz, Vanessa Gomez, Carla Loren, Isabel Blaesi at Andrea Torres) para makahanap ng isang lalaking magpapatibok ng mga puso nila.

Ang mga lalaking maglalaban-laban para sa kanilang mga puso ay sina John Wayne Sace, Carlo Aquino, Mhyco Aquino, Mikel Campos, Alwyn Uytingco, Janus del Prado, TJ Ramos, Aaron Concepcion, Marc Acueza, Marc Butler, Dominic Roco, Felix Roco, Michael Agassi, Cholo Barretto, Gian Carlos Castro, Timmy Boy Sta. Maria, Marc Cortez at Gabb Drilon. Si Jon Ilagan ang direktor ng show at sina Anne Curtis at Luis Manzano ang mga host.

* * *

Marami ang matutuwa sa pagbabalik ni Allona, ang singer sa kabila ng hit na "Someone’s Always Saying Goodbye". Kinuha ito ng E-Real Records at kasalukuyan nang ginagawa ang kanyang unang album na pinamagatang "Out Of Control".