Actress/TV host ginagatasan ang bf?

Nag-decline palang magpa-interview si Vic Sotto kay Kris Aquino for The Buzz.

Sila kasi ang kinoronahang box office king and queen respectively sa ginanap ng Guillermo Mendoza Memorial Awards two days ago.

Sabi raw ni Vic, "‘wag na lang muna" sabi ng source ng Baby Talk na witness sa nangyari.

Bigla raw nag-cellphone si Vic para lang hindi na maaala ni Kris ang interview.

* * *

Imported ang leading lady ng comebacking action star na si Derek Dee, si Kyla Cole. Sosyal si Kyla dahil naging Miss Monticello Raceway 1999 (NY, SA), Miss Hawaian Tropic of West Palm Beach 2000 (FL, USA) and Miss Wet Shirt, Radio Kiss Morava 2001. Kaya lang nang i-search ko sa internet ang pangalan niya, grabe ang photos niya, mga nude talaga as in kita ang mga private parts niya.

Kung sabagay, sabi nga sa personal info niya, ilang beses na siyang na-cover sa mga erotic magazines including the CZ Playboy.

Nakagawa na rin siya ng Penthouse Video and soft-erotic clips para sa iba’t ibang production kaya walang dudang sobrang daring siya sa movie nila ni Derek na Rumble Boys.

Nabasa ko rin sa official website niya na madalas siyang sabihang kamukha ni Catherine Zeta-Jones. Buti na lang daw at blue eyes siya.

Nakaalis na ng bansa si Kyla two weeks ago pa yata.

Anyway, halos hindi na matandaan ni Derek Dee ang last movie niya. Kasi nga naman ilang taon na rin ‘yun.

Kaya nga sa comeback movie niya, ginastusan na talaga ni Derek. Almost P15 million ang budget nila pero hindi pa tapos.

"Babawi ako. Matagal din kasi akong napahinga," sabi ni Derek in a chance interview.

Wala pang definite playdate pero almost done na ang movie.

* * *

Grabe pala ang sabwatan ng mag-inang ito.

Ang actress/TV host lang ang showbiz pero kilala na rin ang nanay nito dahil mahilig umeksena at parating kasama.

Anyway, ayon sa source ng Baby Talk, ang TV host na ito umano ay girlfriend ngayon ng isang retired general. Kaya nga raw sosyal na ito. Lahat daw ng luho sa katawan ay nasusunod. As in lahat nang magustuhan, ibinibigay ng nasabing opisyal.

Sobrang lambing daw naman kasi ng TV host/dancer na ito. Pag may gusto raw ipabili, may kasama pang himas kay Mr. General ayon pa sa source ng PSN.

Paalala lang ng source, dapat daw mangilag din ang dating opisyal dahil rumaraket lang pala ito kasabwat ang kanyang inang mahilig sa eksena.

"Mr. Retired General medyo mag-imbestiga ka muna bago ka magsisi sa bandang huli."

Carrot and stick approach daw ang style ng mag-ina sa kanilang raket ayon sa source. Kapag confrontational ang TV host, ang ina ang malambot na nakikipag-usap sa binibiktima, at kung ang ina naman ang nagmamatigas ang TV host naman ang mahinahong nakikipag-usap sa binibiktima ayon pa sa nagtsika sa akin.

Hindi raw biro ang mga transaksyon ng mag-ina sapagkat milyunan ang kinikita ng mga ito sa kanilang mga target. Kaya Mr. General, ingat ka lang daw po ayon sa nagkuwento sa akin. ‘Wag daw pong masyadong ma-in love dahil baka maisahan ka ng mag-inang ito.

Ang TV host ay marunong ding sumayaw at sexy talaga.

* * *

Tuloy na ang major concert ni Sarah Geronimo sa Araneta Coliseum sa darating na July 25. Feeling ni Boss Vic del Rosario, panahon na para bigyan ng solo concert si Sarah.

"Ready na siya para sa isang major concert sa Araneta. Kayang-kaya na niya," sabi ni Boss Vic sa isang chance interview.

Besides, marami na raw nagre-request na mag-solo na si Sarah.

Bukod sa major concert, magkakaroon rin siya ng launching movie. Wala pang definite ang title pero gagawin ito right after the concert sabi pa ni Boss Vic.

"Kakaibang pelikula ito. ‘Yung tipong kikiligin lahat ng bagets," Boss Vic adds.

Kagagaling lang ng Japan ni Sarah kasama si Mark Bautista. Sobrang successful daw ng concert ng Pop Princess sa Japan. "Lahat ng venue na puntahan nila Sarah, talagang siksikan ang tao," sabi ni Jonathan Aligada, ang stylish ni Sarah na kasama sa Japan trip.

Next month hanggang June, maglilibot ang grupo nila sa Amerika.

Anyway, nasa market na ang special edition CD ni Sarah, Can This Be Love na official soundtrack ng latest movie nina Sandara Park and Hero Angeles, Can This Be Love. May bunos pa itong VCD. Kasalukuyan na itong mabibili sa lahat ng record bars.