Jodi, nami-miss na si Pampi

Kina-career pala ng mga bagets stars ang Clash Room segment ng ASAP Fanatic. Ang Clash Room ay ang dance showdown na nagtatampok kay John Prats. Sa dalawang magkasunod na Linggo, si Joseph Bitangcol pa rin ang defending champion. Magkasunod niyang tinalo sina Charles Christianson at Arron Villaflor ng SCQ 2.

Ang balita ko, talagang double effort ang ginagawa ng mga bagets para manalo. Feeling nila, nakasalalay ang kanilang career sa weekly showdown. Nalungkot daw sina Charles at Arron nang matalo kay Joseph.

This Sunday, si Miko Aytona ang sasagupa kay Joseph. At tiyak na malaking hamon kay Joseph itong si Miko. Kilala sa kahusayan sa pagsayaw si Miko. In fact, sa grupong Anime’, isa siya sa pinakamahusay sumayaw. Ma-defend kaya ni Joseph ang title?

Ngayon, alam ko na kung ano ang Clash Room. Nagulat kasi ako dahil tuwing Sunday ay nakatutok ang mga pamangkin kong teenager sa show na ito. Talagang may kanya-kanya silang bet.

Speaking of ASAP Fanatic, isang malaking fans day ang magaganap sa Cebu sa May 1. Buong tropa ng show, kasama ang mga stars ng SCQ at Star Magic na magsu-show. Ito rin ang magsisilbing launching ng month-long celebration ng 13th anniversary ng Star Magic, ang home ng pinakamalaki at pinakasikat na young stars ngayon.

* * *

Aksidenteng nagkita kami ni Jodi Sta. Maria sa Cork Grill sa ABS-CBN. Katakut-takot na tsikahan ang nangyari. Maraming naibalita sa akin ang kumare ko. Si Jodi ay ninang ni Emmanuel John, ang 4-year old son ko.

Ibinalita sa akin ni Jodi na masayang-masaya siya sa desisyon niyang magpakasal kay Pampi. Ilang araw pa lang silang naghiwalay, nami-miss na niya ito. Pero ani Jodi, uuwi si Pampi soon para magbakasyon.

"Magkakasama kami ng ilang weeks pero babalik din siya roon," sabi nito.

Ibinalita rin sa akin ni Jodi na Pampi was promoted from management trainee to manager. "Ilang months pa lang siya, promoted na siya."

Kahit may-asawa na, hindi pababayaan ni Jodi ang kanyang career. Mawala man siya sa ASAP Fanatic, she still has Perfect Moments at kasama siya sa isang bagong teleserye ng ABS-CBN.

May kontrata siyang pinirmahan sa ABS-CBN hanggang 2007. Pero aniya, kahit nag-aartista siya, mag-aaral siya. Gusto niyang kumuha ng nursing.

Sa ngayon, sa bahay ng mga Lacson siya nakatira but she visits her mom on a regular basis.