Lalantad ang lalaking pinag-aawayan nina Sunshine at Angelu

Aapir na ang lalaking dahilan ng pag-aaway nina Sunshine Dizon and Angelu de Leon. Ngayong hapon, magsasalita ang naturang lalaki sa S-Files na kung saan ang masasayang barkadahan nina Paolo Bediones, Richard Gomez, Joey Marquez at Pia Guanio ang maghahatid sa mga viewers ng mga maiinit na tanong na may tamang kasagutan. Mula sa bibig ng lalaking umano ay dahilan ng tarayan nina Sunshine and Angelu, magsasalita siya ng mga katotohanan tungkol sa dalawang sikat na artista para sa ikatatahimik ng mga taong nadadamay sa away.

Sikat na showbiz couple, kilalang-kilala sa apat na sulok ng showbiz, naghiwalay na? Matagal na raw na hindi na sila in good terms pero pinipilit nilang huwag masirang tuluyan ang kanilang relasyon hangga’t magagawa nila. Ngunit dumating sa hangganan ang tuluyang paghihiwalay ng sikat na showbiz couple. Malalaman natin kung sino sila at ang iba pang mga showbiz people na mayroong mabigat na problema sa relasyon, kaya tutukan natin ang S-Files mamayang hapon. – LGC