Salpukan ng Darna at Panday

Hindi naman yata sabay ang pilot airing ng Ang Panday ng ABS-CBN at Darna ng GMA 7 sa April 4, gaya nang nababalita. May ingay na ang nalalapit na airing ng Pinay Super Hero ng Ch. 7 at ipinapakita na ang teaser nito. On the other hand, wala pang balita sa serye ng Ch. 2 na pagbibidahan ni Jericho Rosales.

Pero, kung magkakasabay nga ang airing ng Ang Panday at Darna, ang viewers ang makikinabang at makakapamili sila kung alin sa dalawa ang susubaybayan. Parehong malaking project ang dalawa, parehong gagastusan ng rival networks at star-studded ang cast.

What is interesting ay ang pagpayag nina Lorna Tolentino at Phillip Salvador na lumabas sa isang special role. Si Phillip ang magbibigay ng mahiwagang espada kay Jericho sa Ang Panday at manggagaling naman kay LT ang mahiwagang bato na mapapasakamay ni Narda (Angel Locsin).

Unang nabalitang sabay ang simula ng airing ng dalawang serye sa March 28, na parehong hindi nasunod at parehong ginahol sa panahon. Sa April 4 na kaya matutuloy ang salpukan ng dalawang higanteng TV series sa local television?

* * *

Hindi nauubusan ng intriga kay Jopay Paguia ng Sexbomb Girls. Pagkatapos ng isyung balak niyang pagkalas sa grupo, na-link naman siya kay Janno Gibbs. ‘Kaloka ang tsikang siya raw ang dahilan nang paghihiwalay nina Janno at Bing Loyzaga.

Nakangiting itinanggi ni Jopay ang latest issue sa kanya nang mag-guest siya sa S-Files last Sunday. Pero, ang boyfriend kaya nito’y natutuwa sa pagkadawit niya sa TV host-comedian-singer?

Nalaman naming taken na itong si Jopay at dancer daw ng Dance Focus ang nobyo nito. Hindi nga lang inaamin ng dalaga sa press ang pagkakaroon ng bf dahil tuwing natatanong sa kanyang lovelife, laging "Wala" ang sagot nito.

* * *

Hindi maitatago ni Nancy Castiglione na nagpa-bust lift siya. Obvious ang biglang paglaki ng kanyang boobs nang mapanood namin siya sa summer special ng Lagot Ka… Isusumbong Kita. Kung dati’y flat-chested si Nancy, ngayon ay kaya na niyang makipag-sabayan mag-two piece swimsuit kay Maureen Larrazabal.

May feeling nga kaming sina Maureen at Alicia Meyer ang nag-udyok kay Nancy na magpalaki ng boobs. Naglalakihan nga naman ang bumper ng dalawang sexy star at natatabunan siya ‘pag sila’y magkakatabi. At least nga naman, ‘pag rampa niya sa beach, hindi na lang ang maganda niyang mukha ang tititigan ng boylets, pati na ang lumaki niyang boobs.

Kaya lang, minahal si Nancy nina Luis Manzano at Paolo Contis kahit small breasted siya. Ibig sabihin, ma-appeal pa rin siya sa opposite sex sa dati niyang vital statistics. Pero, desisyon niya ito’t wala tayong magawa kundi tingnan na lang ang sexier and fuller Nancy.

* * *

Sunud-sunod na gimik na naman ang mapapanood sa Naks! ngayong Linggo. Gugulatin sina Gina Alajar, Julia Clarete at John Arcilla sa mawi-witness nilang taong kumakain ng gold fish.

Guest sa Naks! Quickies ang StarStruck Kids na magpapaligsahan sa pag-ipon ng barya. Ang pinakamaraming maiipong barya ang mananalo. Kilalanin din ang bagong batang may super power na si Ti Tuper Totoy.

Props naman sa magic ni Bearwin Meily ang Maggi Magic seasoning at si Benjie Paras, magpapalusot ng itlog sa isang maliit na bote.

Hahanga rin ang viewers sa gagawin ni magician Slydon na sa kanyang pag-iyak, sa halip na luha’y. monggo at buto ng pakwan ang tumutulo mula sa kanyang mga mata.

Abangan ang lahat ng ito sa Naks!, ngayong Linggo, pagkatapos ng S-Files sa GMA 7 pa rin.