Jopay, insecure kay Rochelle
March 21, 2005 | 12:00am
![](./main/20050321/images/show4.jpg)
Nang-iintriga naman ang iba, hindi ba raw nai-insecure si Jopay sa ipinakikitang acting ng kanyang kaibigan sa naturang drama?
"Bakit naman ako kailangang ma-insecure? May acting din naman ako," sabi ni Jopay sa isang interbyu. Hindi raw biro ang gumanap na kontrabida dahil kailangang pagalitin mo ang mga tao.
Ayon kay Jopay, itinapon na niya sa kanyang sarili ang insecurity. Pinalakpakan na nga naman siya noon sa Daisy Siete, bilang kaaway ni Luz Fernandez, ngayon pa bang ikalawang yugto na ito? Pareho silang tapos ng workshop ng mga kasamahang Sexbomb sa pagtu-tutor ni Ann Villegas na dating actress sa pelikula.
Minsan nga, napapangiti na lang si Jopay. Minsan daw kapag namamasyal sila sa mall, palagi siyang pinariringgang suplada ng mga fans ni Rochelle. Di naman galit si Jopay, kasi ibig sabihin nito, epektibo ang acting niyang ipinakikita. Subalit minsan man kapag may time, ipinaliliwanag niya sa mga tagahanga, acting lang yun.
"Baka naman kasi makabawas sa mga fans ko," kwento ni Jopay. Alam din ni Rochelle, umaarte lang sila at kailangang ibigay ang hinihiling ni Direk Pat Perez para huwag masigawan. Kung sabagay, cool na cool na director naman si Tita Pat. Huwag lang naman yung binabalewala ang taping nila. At gusto niya ay palaging propesyonal sa taping, syempre, nirerenta lang yung location at kung magpapa-late, doble gastos ito.
Talagang ginastusan ng producer, Focus E Inc. ang kanilang setting. Magagandang bahay ang ipinahahanap para mabagay kay Tirso at Beth Oropesa na Mayor ng isang lugar ang role. Ngayon lang daw nakakaharap ng mga premyadong stars ang Sexbomb at kailangang huwag magpapatalbog sa mga ito.
Ngayong Semana Santa, magsisimba ang grupo sa kani-kanilang probinsya. Saka na muna sila magsasayaw.
Excited ang grupo dahil napupuri sila ng MTRCB sa pagdadala ng kasuotan habang sumasayaw. VIR GONZALES
BrandSpace Articles
<
>
- Latest
Latest
Recommended