May bagong crush si Sarah

Tila matindi ang paghanga ni Sarah Geronimo kay Japoy Lizardo sa bagong music video niya. Lahat na yata ay kanyang ginawa, pati ang pag-tumbling sa harap nito, mapansin lamang siya ng commercial model at taekwondo medalist.

Ang latest music video ni Sarah ay idinirek ni Raffy Francisco. Si Lito Camo naman ang sumulat at nag-produce ng "Tumingin Ka Lang", na isa sa mga song na nakapaloob sa album niyang "Sweet Sixteen" mula sa Viva Records. May bahid na konting comedy ito sa lyrics. Very upbeat ang tono nito na bagay na bagay din sa boses ni Sarah. Siguradong magugustuhan na naman ito ng marami lalo na ang mga kabataan.