Willie, magiging Kapuso na?

Natuwa ang GMA 7 nang pumalo sa napakataas na rating (46%) ang Extra Challenge kung saan guest si Willie Revillame. Siya rin ang tumayong host sa programa habang wala si Paolo Bediones. Visible rin si Willie sa ilang programa ng Siete.

Balitang bibigyan din ng ibang show ang komedyante kaya magiging Kapuso na rin ito.

Sa kabilang banda, pinabulaanan nito na may ugnayang namamagitan sa kanila ni Michelle Bayle na nakasama niya sa Extra Challenge kung saan natapos na ang programa ay nagpaiwan pa ang dalawa. Katwiran ni Willie, may kanya-kanya silang mga kaibigan na sumundo sa kanila patungong Singapore.

Angelica, Kinikilig Kay Wendell!

Matagal na palang crush ni Angelica Jones si Wendell Ramos. Kinikilig ito kapag nakikita si Wendell. Lagi nga niyang pinapanood ang Bubble Gang kung saan regular ang aktor.

Magkakasama ang dalawa sa Extra Challenge sa India. Nang malaman nga ni Angelica na makakasama niya si Wendell ay talagang na-excite ang kanyang beauty.

Nag-dialogue pa nga ng "Sana kaming dalawa ang magkapareha sa gagawing challenge."

Juday, Bagay Na Krystala

Napanood namin ang trailer ng Krystala at bagay naman kay Juday ang karakter bilang si Krystala na ala-Darna ang dating. Maaksyon ang fantaseryeng ito dahil makakalaban nito ang masasamang elemento ng lipunan. Naghanda talaga ang aktres bilang si Krystala kung saan nagpapayat ito ng husto at nag-undergo pa ng martial arts training.

Sa October na ang airing ng bagong programa ni Juday.

Hanggang ngayon ay marami pa ring nagtatanong sa amin kung siya ba ang sinasabing inspirasyon ni Wendell Ramos. Kahit tapos na ang Sabel ay nali-link pa rin sila sa isa’t isa.

Sunshine-Frank, Nagkakalabuan Na Ba?

Pinabulaanan ni Sunshine Dizon na nagkakalabuan na sila ng nobyong si Frank Garcia. Katunayan ay nanggaling ang dalawa sa Amerika kung saan ipinakilala pa nga niya ang nobyo sa kanyang daddy. Ipinasyal niya ito sa Universal Studios at Disneyland.

Nagselebrayt sina Sunshine at Frank ng kanilang 1st year anniversary bilang magnobyo noong September 11.

Ratsada ang career ni Sunshine kung saan balitang magkakaroon sila ng soap opera ni Jolina Magdangal next year.

Nasa cloud nine ngayon ang aktres matapos manalong Outstanding Lead Actress in a Drama Special ng Golden Screen Awards For TV kung saan mahusay nitong nailarawan ang karakter ng isang comfort woman sa episode na Babangon Din Ang Kahapon ng Magpakailanman.

Umaasam si Sunshine na magiging Darna kahit tinanggihan ang role ni Valentina dahil mga tunay na ahas ang ilalagay sa kanyang ulo. Talagang takot sa ahas ang aktres. Pero nakalaan naman ang role ni Lucifera sa kanya bilang number one na magiging kaaway ni Darna.

Muntik Nang Mag-Hello Ang Boobs Ni Rufa Mae!

Kami ang ninerbyos nang mapanood si Rufa Mae Quinto sa kanyang acceptance speech nang manalong Outstanding Lead Actress in a Comedy Series para sa Bubble Gang. Supersexy ng kanyang outfit kung saan halos nakaluwa na ang kanyang malulusog na dibdib. Baka mag-hello ang kanyang ‘boobs’ habang nagsasalita ito. Halos takpan na nga nito ng plaque ang dibdib niya.

Blind Item: Young Actress, Pasuray-Suray Sa Kalasingan!

Hindi mo sukat akalain na ang isang sikat na young actress na wholesome ang image ay umiinom pala ng alak.

Minsan sa isang showbiz party ay nakita itong umiinom ng alak at tuluy-tuloy ang pagtungga kaya ang ending nalasing ang young actress. Sa kalasingan ay pasuray-suray na itong lumakad at halos walang nakilalang tao nang lapitan at tulungan siya.

Kaya na-shock ang lahat nang malamang lasengga rin pala ang young actress na hinahangaan ng lahat dahil pino ito kung kumilos.