Kris,never gagawa ng X-rated films

Hindi ikinagulat ni Kris Aquino ang hakbang ng SM malls na pagba-ban sa bold movies. May precedent na raw ito at sa Amerika pa.

"Ang Wal-Mart, which is the number one retailer in the US, banned DVDs that are not family friendly. Wal-Mart also does not sell CDs with explicit lyrics because it’s a family market. Ikaw ang may-ari, prerogative mo kung ano ang ipapalabas sa sinehan mo. Pero, ang Star Cinema naman, their biggest hits are PG-13 or GP. I don’t think it’s censorship, ‘di lang talaga pwede," pahayag ni Kris sa umiinit na isyu.

Tiniyak ni Kris na hindi maipagbabawal ipalabas ang mga pelikula niya sa SM malls dahil hindi siya gagawa ng X-rated films. Wala raw magiging problema sa Feng Shui dahil horror movie ito at tatakutin lang nila ni director Chito Roño ang moviegoers.

Very confident ang dalawa na magugustuhan ito at magkaka-totoo ang sinabi ng geomancer ni Mother Lily na magiging box office hit ito.

Sa September 15 ang regular showing nito pero, kung gusto ninyong mapanood ang pelikula at mapabilang sa mga unang matatakot, manood kayo sa Red Carpet Premiere nito sa Sept. 14, sa Cinema 1 ng SM Megamall. Ipapapalabas din ito sa Golf Glen Theater, Chicago (Sept. 18), West Covina, Los Angeles (Sept. 19) at sa Hongkong sa October. Nabigyan din ang pelikula ng high B rating ng Cinema Evaluation Board.

Incidentally, ibinalita ni Kris na kinuha silang endorser ni Boy Abunda ng isang chain of malls at may feeling kaming SM ito. Pero, wala naman sigurong kinalaman ang pahayag niyang mukhang sumang-ayon sa hakbang ng SM malls na i-ban ang R-18 films sa pagiging endorser nila ni Boy.

* * *

Crush ni Jolan Veluz ng Sexbomb Girls si JC de Vera na naka-partner niya sa isang episode ng Daisy Siete.