Enjoy sa pagiging kontrabida

Aminado si Lloyd Samartino na katuparan ng kanyang pangarap ang role niya bilang Don Lucio Montenegro sa Mulawin. All-out kontrabida siya rito at magkatuwang sila ni Ara Mina (Vultra/Violeta) na maghahasik ng lagim sa bayan ng Tierra Fuego.

Magpapakasal ang dalawa matapos magpakamatay ni Pia Pilapil (Gisela Montenegro), ang maybahay ni Don Lucio nang tumalon ito mula sa tore ng simbahan at kagagawan yun ng may sa demonyong si Violeta. Malaking hamon kay Lloyd ang karakter ng pinakamayaman at ma-impluwensyang tao sa kanilang bayan.

"Matagal akong naghintay bago ako nabigyan ng role na katulad nito. I had long wanted to play bad in films or in television at natupad ito rito sa Mulawin. I’m enjoying every minute working with GMA 7, the staff and crew and my co-stars.

"I believe, this is a strong gauge to prove how versatile an actor could be. Playing anti-hero role nowadays means more challenge. Maraming artista ngayon ang higit na nag-i-excel sa mga ganitong klase ng role, para maipakita mo kung hanggang saan ka, as far as your acting is concerned," ani Lloyd.

– BEN DELA CRUZ