Show ni Juliana pasado na sa MTRCB

Lumalagablab ang September viewing sa ABC. Dalawang hot na hot shows ang ilo-launch sa ABC sa Sept. 7, Tuesday.

Tapos na ang matagal na paghihintay. Mapapanood na sa wakas ang kontrobersyal na Secrets ni Juliana Palermo tuwing Tuesday at Thursday, alas-diyes ng gabi. Kasalitan ito ng Diretsahan ni Amy Perez na Lunes, Miyerkules at Biyernes naman kaya’t shocking ang 10PM weekday strip ng ABC.

Samantala, saksihan naman ang kilig at saya ng pakikipag-blind date sa Three Blind Dates hosted by JM Rodriguez tuwing Tuesday 7PM. Ang blind date ay 1. Pinili ng parents, 2. Pinili ng friends, 3. Galing sa Internet.

Sa pilot episode ng Secrets, aalamin ni sexy host Juliana Palermo ang sikreto ng mga fashion models. Igi-grill ni Juliana ang kanyang mga guests na sina model/singer Aliyah Parcs, model/host Phoemela Baranda at one of the country’s top male models Gary Dulatas. Papasukin din ni Juliana ang mundo ng glamorous high fashion at may crash course pa sa fashion modeling. Sa bawat episode, tatalakayin ni Juliana ang iba’t ibang lihim ng sari-saring tao at propesyon.

Simula Sept. 6, may mga pagbabago sa programming ng ABC. Triple treat sa lahat ng bata simula 4:30 p.m. weekdays ang back-to-back anime ng Ninja Boy Rantaro, Cyborg Kurochan at Legend of Shao Ling Temple. Ang Sentro ni John Susi at Ali Sotto at 6PM na. Mas pinaaga naman ang Big News at 9:30PM with Amelyn Veloso at Cheri Mercado para hindi na kayo mapuyat kakaabang ng mga balita.