Lotlot, totoong binubugbog ng asawa pero, ng pagmamahal!

Isa ako sa mga apektado sa mga pangyayari sa pagitan nina Lotlot de Leon at ang kanyang asawang si Ramon Christopher. Sa programa kong That’s Entertainment na halos lumaki ang dalawang ito, bukod pa sa pangyayaring mga personal na kaibigan ko ang mga magulang nila.

Kaya nagtataka ako sa narinig ko na binubugbog diumano ni Monching ang kanyang asawa. Ang alam ko, mahal siya ni Moching at kung binubugbog man siya nito, ng pagmamahal! Kung hindi ba naman bakit marami silang anak?

Sana pag-isipang mabuti ni Lotlot ang kanyang mga gagawin. Baka naman pwede pa nilang isalba ang kanilang marriage. Baka lamang may pagsisihan siya sa huli. Nasa edad na siya para makapagdesisyon ng mabuti. Basta huwag siyang makikinig at pakukumbinsi sa iba. Tingnan na lamang niya ang mga nangyari sa mga kapwa niya artista na naghiwalay.

Hindi ko sasabihin sa kanya na kung saan siya maligaya ay dumuon siya, dahil sa buhay ng mga ina, dumarating ang panahon na kailangan niyang magsakripisyo para sa kanyang pamilya.

* * *

Isa sa mga alaga ko sa Master Showman Presents na talaga namang nangangarap gumawa ng malaking pangalan sa larangan ng showbiz, TV at pelikula, ay itong si Paolo Guasque o Peewee. Bukod sa magandang lalaki ay napakasipag nito, lahat ng bagay sa kanyang trabaho ay gustong pag-aralan. Di ba ito ang mga katangian ng isang nagtatagumpay?

Bago sa Master Showman Presents ay napanood na si Peewee sa napakaraming commercials tulad ng Jollibee, Pride, Smart, 7/11 at Rexona.

* * *

Magkakaroon ng second phase ang orihinal na artista search sa TV, ang StarStruck. Makakakuha na ng mga forms simula sa Setyembre 5 sa Folk Arts Theater. Kung gusto n’yong matulad kina Jennylyn, Mark, Yasmien, Rainier at sa mga Avengers, go na kayo at mag-fill-up ng application. Huwag matakot o mag-alala. Malay n’yo baka swerte kayo. Kung hindi man, ang experience na makukuha n’yo sa pagsali rito ay walang kapantay at magsisilbing isang magandang karanasan sa inyong buhay.

* * *

Hindi naman nakabawas sa kasikatan ni Billy Crawford ang hindi niya pagkakasali sa final episode ng The Exorcist. Isa siya sa naging casualty nung magpalit siya ng producer. Knowing Billy, alam ko na itsa-charge na lang niya ito sa experience. After all, mayro’n na namang DVD na ginawa para sa ginawa nilang movie. Iba nga lamang ito sa movie version.

Nakausap ko si Mayette Crawford, mom ni Billy, at sinabi niya na aalamin niya kung totoo na kasama ang pangalan ni Billy sa billing ng movie version.

Samantala, depende pa sa kanyang sked kung pauunlakan ni Billy ang imbitasyon ko na dito sila muling mag-celebrate ng Christmas. Nasa proseso kasi siya ng paggawa ng kanyang second album, eh.