Lotlot bugbog-sarado kay Monching?/Producer na kasabwat ng pirata, papangalanan na!

Parang isang bombang sasabog sa showbiz ang tungkol sa dalawang producer/distributor na umano’y involved sa pamimirata.

Ayon sa source, nasa kamay na ng Optical Media Board ang mga evidence and photos na magpapatunay na kasabwat nga sila sa operasyon ng isang licensed plant ng mga audio and video discs.

Hindi pa pinapangalanan ang dalawang ito, pero marami na raw tinatawagang mga writers para i-depend ang kanilang sarili - na isa lang ang ibig sabihin, guilty sila dahil defensive agad.

Abangan ang bombang ito na siguradong pinakamalaking showbiz story for 2004.

Big fish daw ito sa mga pirata na matagal ding nakakaligtas sa batas.

* * *

Alam ko na kung bakit ayaw magpa-interview ni Lotlot de Leon sa presscon ng Feng Shui. Umiiwas pala itong sagutin ang issue tungkol sa umano’y pagiging wife beater ng ex-husband niyang si Ramon Christopher.

You read it right folks! ‘Yan ang bulung-bulungan ngayon sa ilang showbiz functions na rason kung bakit ayaw na lang magsalita ni Lotlot.

Actually, may nagkuwento nga na masyado raw kasing naging spoiled si Monching kaya nang mag-asawa siya, nadala niya.

Bigla kasing nag-disappear si Lotlot sa presscon ng Feng Shui starring Kris Aquino na dinirek ni Chito Roño for Star Cinema.

Maraming nag-react nang gawin ‘yun ni Lotlot. Emote ng ibang writer, hindi lang naman si Monching ang puwedeng pag-usapan kung nagpa-interview siya. "Nagkaroon pa sana siya ng exposure," comment ng isang writer.

Ngayon tuloy wala siyang official statement although sinabi na niya sa previous TV interview na magpa-file na siya ng annulment na hindi naman na-explain kung anong ground.

In any case, parang maganda ang role ni Lotlot sa Feng Shui. Sayang nga lang at hindi masyadong na-explain ni Lotlot kung anong role niya.

* * *

After nine months pala ng break up nila Dominic Ochoa and Janna Victoria, wala pang nagiging girlfriend si Dominic. Pero marami na siyang nai-date na non-showbiz girls.

May time na two girls in one month. ‘Yung isa ay mature na at seryoso na sa possible relationship nila. The other one naman, masyado pang bagets na every night ay gustong mag-night out na hindi na niya feel gawin. "Iba na kasi ang priorities ko ngayon. Gusto ko nang matulog ng maaga dahil the following day, may trabaho pa.

Basta sa limang nai-date niya, walang nag-materialize.

At nang banggitin ang pangalan ng starlet na Czarina Pollman tungkol sa claim nito na nililigawan niya, parang biglang na-highblood si Dominic.

Pakiramdam niya, nanggagamit lang ang starlet na ‘to para pag-usapan siya. "In the first place ‘yung sinasabi niyang hiningi ko ‘yung cell number, hindi totoo. Totoong nakausap ko siya, but after the interview for EK Channel, hindi ko hiningi ang number niya. Bahala na siya kung ano ang gusto niyang sabihin," iritableng sabi ni Dominic.

Pati kasi si Janna ay nadawit pa sa issue ng starlet na ‘to na may dalawang anak kay Diego Castro.

Maging si Marvin Agustin ay gusto rin daw i-ride ni Czarina sa nasabing issue, Dominic added.

Pero after niyang sabihin ‘yun, ayaw na niyang banggitin si Czarina na hindi ko rin naman kilala.

Anyway, financially stable na si Dominic para mag-asawa. Nasa right age na rin siya, 31, pero wala pa sa immediate plans niya. "Wala pa kasi, ewan ko, ipinagpapasa-Diyos ko na lang ‘yun," he said. Baka naman hinihintay pa rin niya si Janna. Hindi naman daw although friends pa rin sila ng ex niya.

Regular ang communication nila dahil nga wala naman silang formal break-up. Dumating lang sila sa point na pareho na nilang kailangan ng space after two years ng pagiging together.

* * *

Nasa CD na Songs from Home, ang mga songs ni Lea Salonga sa kanyang two-nights concerts with the same title last year na ginanap sa PICC.

Na-amaze ang audience kay Lea sa nasabing concert as she pays tribute sa ilang best OPM songs ever written.

After a year, nasa CD na ang lahat ng mga kinanta niya. Kaya sa mga hindi nagkaroon ng chance na mapanood ang concert, at kahit sa mga nanood, may chance na kayong ma-experience at ma-enjoy ang nasabing music, over and over again.

Tulad ng concert, ang "Songs From Home CD" highlights the diversity ng Original Pilipino Music sa well-chosen repertoire na interpret ni Lea kasama ang Manila Philharmonic Orchestra with Gerard Salonga as conductor.

Kasama sa album ang mga compositions ng ating mga legendary songwriters tulad nina George Canseco ("Ngayon," "Kung Ako’y Iiwan Mo," "Kastilyong Buhangin," "Paano Ba Ang Mangarap," "Gaano Kadalas Ang Minsan," "Langis At Tubig," "Kahapon Lamang," "Ako Ang Nagwagi"), Willy Cruz ("Bituing Walang Ningning," "Sana’y Wala Nang Wakas," "Pangarap Na Bituin") and Levi Celerio ("Waray Waray/Galawgaw").

Kasama rin dito ang mga kanta nina Jose Mari Chan and Jimmy Santiago ("Hahanapin Ko"), Freddie Aguilar ("Anak"), Mike Hanopol ("Laki Sa Layaw") and many other great composers.

Isa pang highlight ay ang medley ni Ogie Alcasid - "Kailangan Ko’y Ikaw," "Pangarap Ko Ang Ibigin Ka" at "Hanggang Ngayon" kung saan nag-duet sina Lea and Ogie.

Isinama na rin sa album na distributed ng BMG Records Pilipinas ang Cream Silk conditioners theme song, "Flying Free."