Di lang mahusay na musikero,maganda rin ang kuwento ng buhay

Inspired si Ricky Davao nang gawin niya ang kwento ni Toti Fuentes, ang world-reknowned musician whose life story is featured tonight in Maalaala Mo Kaya. Si Ricky din ang naging instrumental para mapa-oo si Toti na i-feature ang kanyang buhay sa Maalaala Mo Kaya.

"I saw him sa Straight Talk With Cito Beltran," simula ni Ricky. "Tapos, habang pinanonood ko, na-inspire ako sa kwento niya. Yung sacrifices niya pati na rin love story niya.

"So, immediately, I called up the MMK people and asked kung interested ba sila sa story ni Toti and I explained to them. Um-oo sila."

Si Toti ay ang pianist na nakilala noong Dekada ’80 at nakatrabaho na ang halos lahat ng sikat na Pinoy talents. Sa international scene, kinilala din si Toti. Ilang beses siyang naging musical director ng shows nina Julia Fordham, Kevyn Lettau, Tony Orlando at marami pang iba. Sa katunayan, nag-endorse sina Julia at Kevyn ng episode ng Maalaala Mo Kaya.

Sa ngayon, Toti is battling with the Big C. Pero dahil sa gamot na nadiskubre sa America, buhay pa siya. Maganda rin ang love story ni Toti. He is now married to Jonie Gabay na isang German national.

Bukod kay Ricky, kasama rin sa cast ng The Toti Fuentes Story si Chin Chin Gutierrez. Si Mae Czarina Cruz ang nagdirek ng episode ngayong gabi.

* * *

Sa imbitasyon ni Dante Castillo, national sales manager ng Porsche Jeans & Shirts, binisita ko ang warehouse nila sa Monumento. Kasama ko na bumisita sina Rikka Dylim (ng ABS-CBN Star Magic) at Stephanie Yu (ng Star Cinema). Ipinakita sa amin ni Dante ang bonggang warehouse nila.

Pagkatapos namin sa opisina ng Porsche Jeans, dumiretso naman ang grupo sa warehouse ng Secosana Bags. After a long time, nagkita muli kami ng kaibigan kong si Philipp Secosana at si Mommy Lydia Secosana.

Ipinakita sa amin ni Philipp ang mga bagong ilalabas nilang designs and styles come October. Happy si Philipp dahil Secosana has remained the number one bag company sa bansa.

It was thru Philipp na malaman ko na sa China pala ginagawa ang mga bag ng Secosana. "Yung mga premium bag, sa China talaga. Imported. "Yung ibang line namin like Cose and Lyka, dito na," sabi ng kaibigan ko.

Si Claudine Barretto pa rin ang image model ng Secosana. Happy sila kay Claudine dahil effective endorser daw ito.

Gusto kong pasalamatan sina Dante at Philipp sa warm accommodation they have given us during our tsikahan sa kanilang opisina.

* * *

Walang paglagyan ng kaligayahan si Deejay Durano noong Martes ng gabi. Isang surprise party ang ibinigay sa kanya ni Wenn Deramas (his manager) sa IO Family KTV sa The Loop ng ABS-CBN.

Nagulat si Deejay pagdating niya sa venue dahil naroon ang mga kaibigan, pamilya at katrabaho niya sa industriya. Halos kumpleto ang cast ng Marina. Pati mga artista ng Maid In Heaven ay present din.

"Ang plano lang kasi, dinner with my family. Tapos napadaan kami sa IO, ‘yun pala andun na lahat sila. Isa talaga ito sa pinakamasayang birthdays ko," kwento ni Deejay.

Deejay really has gone a long way. Mula sa pagiging That’s Entertainment star, nagtuluy-tuloy ang kanyang career. Ang nakakatuwa kay Deejay, hindi niya nakakalimutan ang kanyang pinagmulan. Kapag kausap ko nga ito, he would always reminisce ’yung mga days na pareho kaming struggling. Siya bilang artista at ako naman bilang showbiz writer. Lagi rin niyang kukumustahin ang mga reporter na tumulong sa kanya noon.

Ngayon, regular cast siya sa Marina bilang Manding. Member din siya ng banda kung saan siya ang lead vocalist.

"Kilala mo naman ako, EJ," sabi nito. "Ang gusto ko lang is magtrabaho para sa pamilya ko. Kaya ngayon na sunud-sunod ang trabaho, masayang-masaya talaga ako dahil masaya rin ang family ko."

Kasama rin si Deejay sa soundtrack ng Marina. Isa itong CD kung saan ang lahat ng kanta ay pawang tungkol sa dagat, tubig at pag-ibig. Kasama rin sa album sina Claudine Barretto, Agot Isidro, Sheryn Regis at iba pa.

Very proud ako sa accomplishments ni Deejay sa kanyang career. Happy birthday, anak!