Judy Ann,payag makitambal muli kay Wowie de Guzman

Sunud-sunod na text messages ang natanggap ni Tito Alfie Lorenzo na nagsasaad ng hindi pagsang-ayon na naging pahayag nito bilang manager ni Judy Ann Santos.

Posibleng ibalik ang tambalan Judy Ann Santos at Wowie de Guzman na matagal nang wala sa sirkulasyon ang aktor at ito’y posibleng maganap sa pagsimula ng Kristala.

Isang matinding mensahe sa text mula sa isang fans na nagpahayag ng pagka-disgusto sa muling pagtatambal ng dalawa, naniniwala ito na matagal nang "patay" ang Judy Ann-Wowie loveteam. Nagsusumamo pa ito na huwag nang buhayin ang naturang tambalan at nakikiusap na si TJ Trinidad ang itambal kay Juday sa dahilang may kilig silang nararamdaman sa bagong tambalan.

Pagkatapos ng programa ay nagkausap sina Tito Alfie at Ms. Julie Ann Benitez, EP ng BKK at kinumpirma nitong gusto nilang isama sa cast ng Kristala ang aktor.

Tinanong nito si Tito Alfie kung papayag si Juday na muling magkasama ang dalawa na dating kapareha sa soap opera o sa pelikula, "Di naman nagrereklamo ‘yan, kung gusto ko wala siyang magagawa."

May higing kami na gustong I-manage ni Tito Alfie si Wowie kung walang magiging problema dito dahil naniniwala pa rin siya na may follower pa rin ang Juday-Wowie loveteam. Naniniwala kami sa vibration ng talent manager at alam namin na gagawa siya ng paraan para mag-init muli ang dating mag-loveteam.

— ALEX DATU