Anong gagawin nina Sandara at Hero sa isang konsiyerto ng mga singing champs?

Parang tumaas ang kilay ko nang makatanggap ako ng press release na nagsasabing kasama na sa concert na Night of the Champions ang Star Quest Circle icons na sina Sandara Park at Hero Angeles.

Ano ba ang gagawin nila sa nasabing palabas na kung saan ay paglalaban-labanin ang mga singing champions na sina Sarah Geronimo (Star For A Night), Rachelle Ann Go (Search For A Star) at Erik Santos (Star In A Million) kasama ang mga runners-up nila na sina Mark Bautista, Raymond Manalo at Christian Bautista.

Kakanta ba sila? Siguro naman hindi dahil hindi naman sila mga singers. Pero, talaga, curious ako sa maaring ipagawa sa kanila ng producer ng concert, ang Viva Concerts & Events, o baka naman gusto lang makasiguro ng mga organizers na makakatulong ang dalawa sa pagdadala ng mga tao sa Araneta Coliseum sa Hulyo 3. Di bale na kung mag-personal appearance lang ang dalawa.

* * *

Sa kabila ng pagkakaroon nila ang problema na dulot ng pagkawala ng kanilang manager, hindi rin nawawalan ng assignment sina Maye Tongco at Nika Madrid, dating Anne Borromeo, na ngayon ay magkasama sa pelikulang Kainan sa Highway na kung saan ay ginagampanan nila ang roles ng mga nagpapakain ng mga lalaki na kinabibilangan ng Milkmen, Ryan Munoz at Mark Dionisio.

Parehong subok na sa mga daring scenes ang dalawa, di lamang sa mga lovescenes kundi maging sa paghuhubad. Kung sino sa kanila ang mas aangat sa pelikula ng Vincent Films ay malalaman sa pagpapalabas nito sa Hulyo 7.

* * *

Pinag-uusapan na raw ang pagbabalik tambalan nina Marvin Agustin at Jolina Magdangal. Hindi lamang mga tagahanga nilang dalawa ang natutuwa sa balitang ito dahil pareho nang malayo ang inabot ng individual careers nila pero, hindi pa rin nakakatkat sa gunita ng lahat ang magaganda nilang pelikula na magkasama.

Marvin is regularly seen on ABS-CBN’s Sana’y Wala Nang Wakas, Tanging Ina The Series and recently portrayed Rolando Navarette in Maalaala Mo Kaya. Currently, he hosts EK Channel, Saturday’s 2:30 PM.

Jolina on the other hand is a regular in GMA’s SOP and StarStruck Kids and did Annie B. for Viva Films.

* * *

Inilunsad na ng Gintong Saklay Foundation, Inc, (GSFI) ang Project: Kasamaka (Kantahan Para Sa May Kapansanan), isang taunang nationwide search para sa pinakamagagaling kumanta na may kapansanan.

The songfest provides attractive and valuable prizes at scholarship grants for voice and stage performance sa mga mananalo at participants. Nagbibigay din ito ng pagkakataon sa mga gifted PWDs na madiskubre ng mga talent scouts mula sa commercial entertainment circuit.

Ang grand finals ay magaganap sa Oktubre 28 sa Philamlife Theater UN Ave., 7:00 NG.

Ang contest ay bukas sa lahat ng may kapansanan, may edad mula 13 hanggang 35 taong gulang. Ang entry song ay maaring OPM, Ingles o banyagang awitin. Ito ang magiging piyesa ng kalahok hanggang grand finals. Ang kalahok ay kailangang magsumite ng entry form na dalawang kopya, dalawang 2x2 pictures at xeroxed copy ng kanilang birth certificate. Deadline ay sa Set.11. Sa mga taga-probinsya, ipadala ang application form at voice tapes sa GSFI-Project: Kasamaka Secretariat Rm 301 Del Mundo Bldg. 2121 Taft Ave nr. Quirino Ave., Malate, Mla.

* * *

Hindi lamang naman ang sakit na AIDS o cancer ang dapat nating katakutan kundi maging ang kontrobersyal na sakit na Hepa-B, na marami na sa atin ang nagtataglay na pero hindi lamang natin alam. Kaya naman sa halip na mapuksa ay patuloy ang pagkalat nito.

Nakamamatay ang sakit na ito. Tumutukoy ito sa pamamaga ng ating atay na nagiging sanhi ng liver cancer.

Dahil sa lifestyle ng mga taga-showbiz di maiiwasang di sila mahawa o makahawa ng ganitong sakit, dahil madalas silang magpalit ng partners, sobra ang stress nila at kadalasan ay nakukuha ito sa malabis na pag-inom ng alak.

Ayon kay Dra. Mae Pajela, medical consultant ng Psalmstre’ Enterprises, may solusyon upang malunasan ang ganitong sakit– ang Livermin 870 mg Soft Capsule na mula sa Korean Ginseng Research Co. Ltd. Nakakatulong ito upang di mamaga ang ating atay at mapanatili ang normal function nito. May libreng konsultasyon sila sa 5th Flr. JMJ Bldg., P Sanchez cr. Pat Antonio Sts., Sta Mesa, Manila. Tumawag sa 7152500/7157604 o magtext sa 09204219659.