Nora,pinarangalan sa San Francisco, USA

Alam n’yo bang ika-51 na kaarawan ng superstar na si Nora Aunor noong ika-21 ng Mayo na nagkataong nasa San Francisco, California, USA, siya para sa concert nilang dalawa ni Kuh Ledesma na Power of 2 ay nagproklamang Nora Aunor Day ng city Mayor Gavin Newsom? Ngayon lang ito nangyari sa isang Pinoy artist!

Ang plaque of proclamation ay pormal na iginawad kay Ms. Aunor sa isang luncheon na ginawa sa Marriot Hotel sa San Francisco ng host na si Ms. Jacquie Lingad-Ricci, isang Filipino-American community leader sa siyudad ng San Francisco. Sa naturang luncheon birthday party ay nagbigay ng tribute ang isang Pinoy music teacher from New Jersey, na si Nani Fandino, at binanggit nito ang mahahalagang ambag ng superstar sa musika at kulturang Pinoy.

Ang ulat na ito’y hatid ng kaibigan naming propesor ng PUP-Sto. Tomas, Batangas, na si Pit Maliksi na kaugnayan naman nina Vonnel Mirandilla at Albert Sunga (ng International Circle of Online Noranians) na kasa-kasama si Ate Guy ngayon sa America.— Dennis Adobas