Lovely, hindi pinayagang mag-bold sa movie

Walang pagsisising nararamdaman si Lovely Mansueto sa hindi pagpayag ng mga magulang na sina Manding at Rita Mansueto na mag-bold siya. Bata pa kasi si Lovely at naaakit sanang pumayag magpalaki ng boobs dahil sa gagawing movie na bida siya.

Kahit iniyakan ni Lovely nung una, malaking pasasalamat din na hindi siya natuloy mag-bold sa pelikula. Kung nagkataon kasi, saan siya pupulutin.

Na pagkatapos mag-bida ay wala na palang kasunod. Masaklap ang mangyayari na nagpakita lang pala siya.

Binigyan siya ng kotse ng parents bilang kapalit ng pagtanggi na mag-bold sa movie. Ang katwiran ni Manding Mansueto, paano siya makakaharap sa mga kasamahan sa simbahang Katoliko sa Binondo kung may bold star siyang anak?

May fast food store naman sila sa Carvajal at Escolta. Napag-isip-isip ni Lovely, kapag natukso siyang mag-bold saan siya pupunta, gayong wala nang gumagawa ng pelikula. At kung meron man, pahirapan namang manigil sa producer. Naaalala pa niya ang yumaong si Halina Perez, patay na pero may mga producer pang may utang sa namayapa. — Vir Gonzales