Ate Vi, takot na mag-asawa agad si Lucky

Tatlong babae ang natatandaan ni Mayor Vilma Santos-Recto na naipakilala sa kanya ng kanyang anak na si Luis Manzano na naging dahilan kung bakit kinakabahan itong biglang makasal ang kanyang anak ng wala sa panahon. ‘‘Kailangang matupad muna ni Luis ang kanyang mga pangarap bago siya mag-asawa.’’

Kahit madalang na silang nagkikita ng kanyang anak ay nandoon pa rin ang malaking concern at tamang guidance sa anak. Alam ni Mayor Vi na nasa tamang edad ang kanyang anak para magdesisyon sa kanyang sarili at alam nitong maganda ang patutunguhan ng kanyang anak dahil matalino, malakas ang loob at mabuting tao kaya malaki ang tiwala nito sa anak. ‘‘From time to time naman eh, kinukumusta ko siya at inaalam ko ang mga nangyayari sa kanya. Ito lang ang nagagawa ko sa kanya dahil hindi lang ako ang busy sa aking pangangampanya, siya rin sa kanyang commitments.’’ — AD