Tamang posture ng beauty queen

Parte na ng pagiging beauty queen ang pagdadala sa sarili ng mabuti at pati ng tamang pag-pose sa harap ng camera. Alam naman natin na halos lahat ng beauty pageants ay mayroong award para sa pinaka-magandang mukha sa litrato o ang tinatawag na Ms. Photogenic. So, paano nga ba maging photogenic?

Sa Buhay Beauty Queen, inihahanda ang mga kandidata sa lahat ng bagay para sa ikauunlad ng kanilang personalidad para maging ganap na beauty queen. Kasama na nga rito ang tamang posture at tamang paraan para laging maganda at kaakit-akit sa picture.

Ang popular model at actress na si Wilma Doesnt ang kinuhang resource speaker ng Buhay Beauty Queen para magbigay ng payo at kaalaman sa tamang pagdadala ng sarili. Tuturuan din niya ang mga kandidata ng tamang pag-project sa camera para always pretty sila sa picture.

Pagkatapos ng workshop, ready na ang mga ladies para sa kanilang actual photo school para rin naman ma-apply nila ang kanilang mga natutunan. Ang freelance digital photogapher na si Xander Angeles, isa sa mga premyadong lensmen sa bansa ang magko-conduct ng photo shoot sa scenic at exclusive Tagaytay Highlands, hindi kalayuan sa Bahay Beauty Queen (official home ng Buhay Beauty Queen).

Marami ka talagang madi-discover at matututunan sa panonood ng nag-iisang beauty-serye sa bansa. Kaya’t samahan ang mga beauties ng Buhay Beauty Queen sa kanilang pag-struggle to survive and become the next Mutya ng Pilipinas 2004. Catch BBQ weeknights at 9:30, bago mag INQ. TV sa ABC-IBA TAYO!