2 MTB lady host, nagyo-yosi sa 'NO SMOKING' Area

Sana kung gaano kahigpit ang management ng ABS-CBN sa mga empleyado’t mga taong pumapasok sa compound nila ay ganu’n din sila kahigpit sa mga talents nila, lalo na’t mga kilalang artista na.

Di sinasadyang napadaan kami sa dressing room ng hosts ng MTB: Ang Saya Saya last Monday at nagulat kami dahil napansin naming mausok ang naturang dressing room, akala nami’y may sunog na or nag-short circuit, ‘yun pala nagyoyosi ang dalawang MTB hosts na sina Mickey Ferriols at Jenny Hernandez gayung malinaw namang nakasulat sa mga wall ng studio ang "no smoking" sign.

Ang alam namin ay sa may garden o sa mga ilalim ng puno sa labas ng studio ang smoking area, hindi namin alam na pwede na rin palang gawing smoking area ang mga dressing room ng Dos.

Alam kaya ito ng management o dedma sila dahil may tinititigan at tinitingnan sila? — RB