Pops Fernandez,babalik na sa Dos !

Tapos na ba ang kontrata ni Ms. Pops Fernandez sa GMA 7 after ng Twin Hearts?

Kaya namin ito naitanong ay dahil naulinigan namin sa bakuran ng ABS-CBN na tila babalik si Pops sa istasyong pinanggalingan niya dahil sa kanya raw ibibigay ang timeslot na iiwanan ni Ms. Sharon Cuneta.

Medyo naguluhan kami dahil by June pa ang tapos ng Twin Hearts at kung hihintayin si Pops sa Sunday timeslot ng Sharon ay matatagalan pa at anong ilalagay nila pansamantala sa oras ng Sharon Live?

Alam namin ay Lukso ng Dugo na ang ilalagay sa Sharon timeslot at nagri-reformat ang programang ito ni Ms. Bernadette Sembrano na magiging talk show na.

Pag nagkataon kasi ay wala ng ‘diva’ na maiiwan sa Dos dahil tila lilipat ng GMA 7 si Ms. ZsaZsa Padilla na wala naman palang kontrata sa Dos at si Ms. Kuh Ledesma ay tapos na ang 6 months contract sa ASAP Mania. – Reggee Bonoan