Jomari, may gf na Sex Bomb Girl!

Halata sa huli naming panayam kay Ara Mina na nasa alapaap pa ito pagkatapos ng kanilang honeymoon ni Jomari Yllana noong nakaraang Semana Santa. Tinungo nila ang Phuket, Thailand at tatlong araw nilang inatupag ang pagbisita ng iba’t ibang tanawin sa naturang lugar hanggang nakaabot sila sa beach na pinagkunan ng pelikula ni Leonardo DiCaprio, ang Beach.

Sa kanilang pagbalik ay naging madalang ang kanilang pagkikita dahil sa rami ng kanyang trabaho.

Halos hindi na nagkikita ang magkasing-irog at nagkausap na lang sila sa cellphone at huli, may balitang kumakalat na nakipagmabutihan ang kanyang syotang aktor sa isang miyembro ng Sex Bomb Girls. "Alam mo hindi ako naniniwala’ I trust Jomari," agad na sambit ng aktres at iniisip nito na may naninira sa magandang relasyon nila ngayon ng aktor.

Pakiusap nito na huwag na silang sirain ni Jomari dahil masaya na sila sa kanilang pangkasalukuyang relasyon. "Masaya na kami sa isa’t isa, huwag na kaming sirain. Sana po maging masaya na rin kayo, di ba?" maikling pananalita mula kay Ara na katatapos lang manalo ng best actress sa 1st Golden Screen Awards. — AD