Pia Pilapil,makikipagbalikan sa asawa

Sa pamamagitan ng S-Files (GMA7), liligawan ni Pia Pilapil ang asawang si Gerry Gonzalo. Para balikan siya nito. Wala naman daw third party involved maliban sa personal na dahilan nang maghiwalay sila na sasabihin ni Pia at sasagutin niya sa S-Files ngayong hapon.

Malalaman din kina Joey Marquez, Janice de Belen, Paolo Bediones and Richard Gomez ang iba pang maiinit na balita kina Cindy Kurleto, na may bago nang mahal. Gaano katotoo ang balitang ang seksing si Erika Fife ay hiwalay na rin sa asawa?

Samantala, si Matet de Leon na buntis ngayon ay pinaghahandaan na ang kanyang pagsisilang. Tanggap na raw ni Mama Guy, na magkakaapo na siya kay Matet at wala itong tutol, maging kay Papa Boyet de Leon at lahat ng mga kapatid lalo na sina Kuya Ian and Ate Lotlot. May mga iba pang maiinit na topic sa S-Files na pag-uusapan ng mga hosts, kaya tutukan ngayong hapon, sa GMA 7.