Ciara, abala sa album

Magiging abala ang classical pop singer na si Ciara Sotto sa pagsisimula ng kanyang mall tour para i-promote ang kanyang self titled album under BMG Records Pilipinas Inc. Ang nasabing mall tour presented by GSM Blue ay sa Feb. 28 at SM Sucat, to be followed by shows at SM Fairview on March 7, SM North Edsa on March 12, SM Bacoor on March 13, Robinson’s Metro East on March 14 and Robinson’s Novaliches on March 20. Lahat ng kanyang shows ay magsisimula ng alas-4:00 ng hapon.

Ang album ni Ciara ay may sampung kanta featuring the carrier single, "Ibabalik" na sinulat ni DJ Raymund Ryan.

Ang nasabing kanta na tungkol sa enduring love ay malakas na ang airplay sa iba’t ibang FM stations sa kasalukuyan.

Ang iba pang kasama sa album na nagpapakita ng vocal maturity ni Ciara ay ang "Adagio", na sinulat ni Lara Fabian, "A Whiter Shade of Pale", isang remake ni Joe Cocker, "A Lover’s Concierto", ang sariling version ni Ciara ng "Home To Stay" na kinanta ni Josh Groban, "Di Inaasahan" ni Janno Gibbs, "May Mararating", isang adaptation ng Italian song ng composer na si Ernie dela Peña at marami pang iba.

Mabibili sa CDs and cassettes ang Ciara (the album) sa lahat ng leading record bars sa ilalim ng BMG Records Pilipinas, Inc.