Allan at Jaya,kinuhang kapalit ni Arnell

Two years ago ay muntik nang masunog ang bahay ni Jaya. Pero nanalangin ito na magbabago na siya. Hindi nasunog ang kanilang bahay. Gumanda rin ang kanyang career sa taong ito nung January 1 ay nakatanggap siya ng tawag na magiging kapalit ni Arnell Ignacio sa K! (The P1,000,000.00 Videoke Challenge), kasama si Allan K. "At least mas makikilala ako ng mga manonood. Akala kasi nila ay hindi ako friendly. Sobrang dami ng blessings ang natanggap ko at sana’y magtuluy-tuloy na ito."

Allan K, Mahilig Mang-Okray

Natutuwa naman si Allan K. na makakasama niya si Jaya simula Marso 7 sa pagkakaroon ng bagong show. Hasa ang komedyante sa mga sing-along bars kaya bagay sa programa. Maganda ang rapport nila ni Jaya at sinabi nitong masarap kabatuhan ang singer.

"Mahilig naman akong mang-okray pero hindi naman kami magkakasakitan ni Jaya. Naniniwala ako na magsisilbi itong hamon para lalo naming galingan ang aming trabaho," aniya.

Magkakaroroon ng bagong segments ang show gaya ng "Videoke King and Queen" kung saan kasamang aawit ng mga mananalo si Jaya.

Ngayong Linggo ay magiging videoke challengers sina RJ Rosales, Malik, Wency Cornejo, Roselle Nava, Gabby Eigenmann, Mark Herras at Jennylyn Mercado.

Mr. & Miss Young Caloocan

Naimbitahan kami para maging isa sa mga judges ng Mr. & Miss Young Caloocan 2004 Coronation Night na isang proyekto ng Mutya ng Caloocan Charities sa pamumuno ni Madam Gigi Malonzo.

Wala kang itulak-kabigin sa ganda ng mga kandidata na ang karamihan ay pwedeng maging artista gayundin ang mga kalalakihan. Nanggaling sa patimpalak na ito si Angel Locsin na ngayon ay sikat nang artista gayundin si Aubrey Miles na nanalo namang Miss Caloocan noon.

Noong Huwebes naman ay naimbitahan uli kami ni Madam Gigi na sa gabi ng parangal ay pasasalamat sa mga taong nakatulong para alagaan ang dangal ng Caloocan kabilang na ang mga celebrities na ito.

Isa na rito ang myembro ng Gee Girls na si Jenny kung saan escort ng gabing yon si Vandolph na talagang inlab sa kanya. Ito na ang babaeng gusto niyang mapakasalan at makasama habang buhay.

Binitawan Na Ng Ama

Ngayong binitawan na si Angelika dela Cruz ng ama bilang manager ay sa Talent Center na ito umaasa lalo na kina Mr. M at Tita Mariole.

Hindi man siya tumakbo sa darating na halalan ay suportado naman nito ang mag-asawang Ricky at Jenny Sandoval na tumatakbong congressman at mayor ng Malabon.

"Kung mananalo sila kapwa ay parang nanalo na rin ako damang-dama namin ang sinderidad nila para makapaglingkod sa bayan," aniya.