Alicia Mayer, naghahanap pa ng tipong lalaki

Ang sexy actress at itinuturing na internet goddess ng Pilipinas na si Alicia Mayer, naghahanap ng bagong kapuso!

Type raw niya ang lalaking talented at mahilig magpatawa. Hindi naman daw kailangang kagwapuhan.

Kaya handog ng Extra Challenge kay Alicia ang pagkakataong makapamili ng ka-Valentine mula sa limang ispeyal na lalaki. At para hindi lang siya madala sa kanilang hitsura, itatago ang mga challenger sa likod ng maskara!

Ang maswerteng TV audience lang ang makakakilala kung sino ang nasa likod ng bawat maskara. May modelo, may aktor at may broadcaster mula sa kabilang panig. Makikita lang ni Alicia ang kanilang mukha kapag sila’y natanggal na sa laro.

Sa isla ng Bohol, magpapasiklaban ang lima upang mapansin ni Alicia. Pagalingan sa pagluto, sa talent showdown, sa pagsagot ng iba’t ibang klaseng tanong. Makikipag one-on-one date pa sila sa aktres.

Sino kaya sa lima ang matitipuhan ni Alicia? Alamin ngayong Linggo sa isang napaka-romantiko at napaka-misteryosong Extra Challenge. "Ang Tipo kong Lalaki" ay eere mula ngayong Pebrero 9 hanggang 13, alas siyete ng gabi, sa GMA-7.