Pops, nililigawan ni Dadoy

Sinabi ni Pops Fernandez sa isang panayam na ayaw na nitong makihalo pa at pag-usapan ang kontrobersya sa mga magulang ng dati niyang asawang si Martin Nievera.

Samantala, si Pops ang bagong print ad at billboard model ni Mother Ricky Reyes kapalit ni Rufa Gutierrez para sa Gandang Ricky Reyes.

Kapuna-puna rin lately ang pagiging blooming ni Pops. May kinalaman nga kaya sa aura niya itong si Brad Turvey na mainstays naman sa Nuts Entertainment?

"Wala naman akong beauty secret. Secret admirers marami. At mas lalo namang wala rin akong mga seremonya sa mga pagpapaganda. Basta ang alam ko, matagal na akong maganda. Hindi, I’m just kidding! Ha! Ha! Ha!"

Humirit pa siyang, "Siguro talaga lang yatang nasa genes namin ni Mommy Dulce Lukban na di kami tandain tingnan. Paris ni Mommy, maganda pa rin at di tumatanda. The most important thing is... I think ‘yung positive outlook ko personally sa buhay!"

Maugong ang balitang nanunuyo si Rudy Fernandez.

"Hindi totoo ‘yan. Kung nanunuyo, walang masama. Kaya lang unfair naman kay LT. Hindi ako homewrecker. Ayaw kong makasakit sa damdamin ng iba. Siguro kung binata pa siya, okey lang. Super-bait kasi si Daboy.

"Masyadong malapit si Daboy sa aming pamilya kaya nga "Papa" ang tawag ko sa kanya lalo na’t wala na akong Daddy!" – BAC