International singers na may concert sa Feb. 14, takot sa coup

Nasa bansa na ang mag-asawang Assunta de Rossi at Cong. Jules Ledesma pagkatapos ng New York trip nila para sa initial fitting ni Assunta ng kanyang wedding gown sa international designer na si Vera Wang.

Ang nasabing gown na ayon kay Assunta ay very simple yet elegant ivory strapless with a princess cut ay pinili ng mag-asawa mula sa catalogue of designs ni Vera Wang na ipinakita sa kanila last December - nang una silang pumunta sa shop ng international designer.

"We had to make alterations to the design though, para tumugma sa character ko ‘yung isusuot ko. May malaking bow siya sa waist na parang magiging belt, gaya ng design ng wedding gown ng mommy ni Jules, na minsan nang na-display sa isang retrospective ni Ramon Valera sa National Museum," sabi ni Assunta in a chance interview.

Ang gown naman ng mga entourage ay gagawin ni Patrice Ramos-Diaz samantalang ang veil ni Assunta ay si Rhett Eala ang gagawa. Si Joseph Francia ang in-charge sa hair and make up ng actress.

Jules’ silver black suit (actually a brocade), is by New York-based Liana Lee.

Sa March 14 ang kanilang grand wedding with a coral color motif sa Sanctuario de San Antonio in Forbes Park, Makati City, 7 p.m. Reception will follow at the Makati Shangri-La’s Rizal ballroom with over a thousand invited guests from showbiz and politics.

’Wag din kayong masa-shock kung one of these days ay may makikita kayong giant billboard (approximately 30x40 feet) along Edsa announcing the nuptials. Any moment now ay ilalagay na ito. Tatagal ito hanggang sa kanilang wedding day on March 14, Sunday.

Seven pairs ang kanilang principal sponsors, led by former Ambassador Danding Cojuangco. Best men naman ang anak ni Jules sa first wife niyang si Carlo na eight years old at ang best friend niyang si Charlie Cojuangco.

Maids of honor naman ni Assunta ang sister niyang si Alessandra at ang 12-year old daughter ni Jules na si Christina.

Sina Claudine Barretto and Ciara Sotto, bestfriends ni Assunta ang bridesmaids.

Si Ciara rin ang kakanta sa simbahan at sa reception.

Robert Blancaflor’s 1816 will take care of the flowers (all local variety planted as early as six months ago in two major flower farms).

Nauna nang nagpa-civil wedding sina Assunta and Jules sa San Carlos, Negros Occidental last Dec. 14, 2002.

* * *

"Hindi ako makapaniwala na may ganitong swerteng darating sa akin," sabi ng 20 year old na si Mark Bautista.

"Hindi ko po ini-expect na magiging ganito kabilis ang takbo ng career ko," dagdag ni Mark na naka-kontrata sa Viva Artists Agency headed by Ms. Veronique del Rosario Corpus after niyang maging finalist sa Star For A Night last year.

Actually, mabilis nakilala si Mark. Nakasama agad kasi siya ni Sarah Geronimo sa video ng phenomenal hit song ng pop star na "Forever’s Not Enough." Maraming nakapansin sa kanya aside from his unique voice and looks na medyo may pagka-chinito.

Hindi nagtagal, nag-record na rin siya ng sariling album, self titled album na may 12 cuts - "Ngayon at Kailanman," "Ako’y Maghihintay" (duet with Sarah), "Kapag Ako’y Kailangan," "Another Chance," "Sayang Naman," "One Girl," "Lahat Sa Buhay Ko" at ang revivals ng "Will You Still Love Me Tomorrow," "Out Here On My Own," "Lost Without Your Love" and "Power of Love."

Out na sa market ang kanyang album na ang carrier single ay "Baliw."

Anyway, last Friday ay pumirma siya ng contract sa ABS-CBN with Sarah Geronimo and Mikel Campos na pawang mga Viva talents.

Sila ni Sarah ang main attraction sa bagong teleserye na ila-launch ng ABS-CBN before the end of the month. Wala pang final title ang nasabing soap opera.

Last Sunday ay nakipag-showdown na sila ni Sarah sa Star in A Million champion na si Eric Santos at ang runner up na si Sheryn.

"Sobrang proud nga po ang mga mga kababayan ko sa Cagayan de Oro. Text sila ng text. ‘Yung parents ko, everyday tumatawag," he said.

Sa lolo niya siya nakatira dito sa Manila.

Ngayon pa lang sinasabing si Mark ang first and only Prince of Pop ng local music industry.

* * *

May apprehension pala ang ilang foreign artist na naka-schedule mag-concert sa bansa sa February 14 dahil sa threat ng coup d’etat sa bansa at sa kumakalat na bird flu sa Asian countries.

Ayon sa nabasa ko sa internet, medyo natatakot daw ang ibang artist like Boyz II Men at ilan pang international singer na ituloy pa ang concert dito sa February 14 dahil nga sa issue ng coup. Tapos nagkaroon pa ng bird flu.

Ilan sa foreign singers na magko-concert dito sa Valentine’s day ay ang Boyz II Men, Toto, John Ford Coley, Patti Austin, Abba among others.

Well, good news ito para sa mga local artist natin na may concert sa Valentine. Kung may magba-back out na foreign artists, may chance na ang mga artist natin na madagdagan ang sales ng ticket nila.

Ang siste kasi nito, baka pag nag-decide kayong bumili ng ticket ng mga international singer na ‘to tapos all of a sudden ay biglang nag-cancel, ang hirap mag-refund if ever.

Kaya kung ako sa inyo, local concerts na lang panoorin n’yo, sigurado na kayong tuloy, makakatulong pa kayo sa kanila.

Samantalang kung foreigner, kinukuha lang nila ang mga dollar na pinadadala ng mga kamag-anak n’yong naghihirap na kumita ng dolyares sa ibang bansa.