Matutulala sa kanilang kanta

Maituturing silang isa sa mga successful bands na bumulusok sa local music scene nitong mga nakaraang taon. Bilang mga electrifying performers, sila ay nakakaawit ng mga foreign songs ng walang kahirap-hirap. Gayundin, ang kanilang mga awitin ay mga makabagbag-damdamin katulad ng kanilang mga boses na kung sila ay iyong mapapanood na live kayo ay siguradong hahanga at matutulala sa kanilang mga awitin. Talaga namang napakagaling ng bandang ito.

Ang bandang ito ay mas popular sa tawag na Aegis at sila ay nag-release ng kanilang pang-pitong album. Ang album na ito ay "Ating Sayawin".

Kasama sa kanilang 10-track album ay ang mga dance versions ng mga awiting "Halik", "Luha", "Basang Basa Sa Ulan", "Sinta", "Maniwala Ka", "Bakit" (mula sa kanilang "Halik" album), "Munting Pangarap", "Mahal na Mahal Kita", "Awit at Pag-ibig" at "Bakit" (mula sa kanilang Awit at Pag-ibig album).